ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން މިއަދު އިޢުލާން ކުރި ގޮތުގައި، ސަރަހައްދީ ސިޓީތަކާއި ރަށްރަށުގެ ކުނި މެނޭޖްކުރާ މަރުކަޒުތަކަށް ކުނި އުކާލުމަށް ނަގަމުންދިޔަ ގޭޓްފީ ދެބައިކުޅަ އެއްބަޔަށް ކުޑަކޮށްފިއެވެ.
ވެމްކޯއިން ނެރުނު އިޢުލާނުގައި ވިދާޅުވި ގޮތުން، ކުރިން ޓަނަކަށް 212 ރުފިޔާ ނަގަމުންދިޔަ ގޭޓްފީ މިހާރުވަނީ 106 ރުފިޔާއަށް ކުޑަކުރެވިފައެވެ. މި އަގު ކަނޑައަޅާފައިވަނީ ކުނި އުފުލާ އުޅަނދުފަހަރުގެ ރަޖިސްޓަރީ ކުރެވިފައިވާ ބަރުދަނަށް ބަލައިގެންނެވެ.
މީގެ އިތުރުން، މާލެ ސަރަހައްދުގެ ޓްރާންސްފާ ސްޓޭޝަންތަކުން ނަގާ ގޭޓްފީ ވެސް ވަނީ 500 ރުފިޔާއަށް ކުޑަކޮށްފައެވެ. މިއީ ރާއްޖޭގެ އެކި ސަރަހައްދުތަކުގައި ކުނި މެނޭޖްކުރުމުގެ ޚިދުމަތް ފުޅާ ދާއިރާއެއްގައި ފޯރުކޮށްދެމުންދާ ކުންފުނިން އާންމުންނަށް އިތުރު ލުއިފަސޭހަތަކެއް ހޯދައިދިނުމަށް ކުރަމުންދާ މަސައްކަތުގެ ތެރެއިން އަޅާފައިވާ ފިޔަވަޅެކެވެ.
