އަންނަ އަހަރު ބާއްވަން ތާވަލުކޮށްފައި އޮތް ފީފާގެ 17 އަހަރުން ދަށާއި 20 އަހަރުން ދަށުގެ ވޯލްޑް ކަޕް ފުޓްބޯޅަ މުބާާރާތް ކޮވިޑާ ހެދި 2023 ވަނަ އަހަރަށް ފަސްކުރަން ނިންމައިފިއެވެ.
މި ދެ މުބާރާތް ފަސްކުރި ނަމަވެސް އެ ދެ ގައުމަށް އަދިވެސް މުބާރާތް ހޯސްޓްކުރުމުގެ ފުރުސަތު އޮންނާނެ ކަމަށް ފީފާ އިން ބުނިއެވެ. ފީފާ އިން އޮތީ 20 އަހަރުން ދަށުގެ ވޯލްޑް ކަޕް އިންޑޮނީޝިއާގައި އަދި 17 އަހަރުން ދަށުގެ ވޯލްޑް ކަޕް ޕެރޫގައި ކުރިއަށްގެންދަން ރާވައިފަ އެވެ. އެކަމަކު ކޮވިޑް-19 އާ ހެދި ހުރި ދަތިތަކެއްގެ ސަބަބުން ކުރިން ރޭވިފައި އޮތް ޝެޑިއުލާ އެއްގޮތަށް ކުރިއަށްގެންދަން ބަލާއިރު ދަތިތަކެއް ހުރުމުން މުބާރާތް ފަސްކުރަން އެންމެ ފަހުން ނިންމީ އެވެ.
މި އަހަރު ބާއްވަން ނިންމާފައިވާ ދެ ފުޓްބޯޅަ މުބާރާތެއް ވެސް ވަނީ ކޮވިޑް-19ގެ ސަބަބުން އަންނަ އަހަރަށް ފަސްކޮށްފަ އެވެ. އެއީ ޔޫރޯ ފުޓްބޯޅަ މުބާރާތާއި ދެކުނު އެމެރިކާގެ ގައުމުތަކަށް ހާއްސަ ކޮޕަ އެމެރިކާ ފުޓްބޯޅަ މުބާރާތެވެ.
ކޮމެންޓު ފޮނުވާ