ވެލާނާ އިންޓަނޭޝަނަލް އެއަޕޯޓް (ވީއައިއޭ) އަށް އައި އިންޓަނޭޝަނަލް ފްލައިޓްތަކުގެ އަދަދު މިއަހަރުގެ އޮކްޓޫބަރު މަހުގެ ނިޔަލަށް 13،671 އަށް އަރައި، މިދިޔަ އަހަރާ އަޅާބަލާއިރު 5 ޕަސަންޓުގެ ކުރިއެރުމެއް ވަނީ ހޯދާފައެވެ.
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އާންމުކުރި ތަފާސްހިސާބުތަކުން ދައްކާގޮތުގައި މިދިޔަ އަހަރުގެ މި މުއްދަތުގައި ރެކޯޑުކޮށްފައިވަނީ 13،018 ފްލައިޓް މޫވްމެންޓެވެ. މިގޮތުން މިއަހަރުގެ ފްލައިޓް މޫވްމެންޓްތަކުގެ ތެރޭގައި ހިމެނެނީ 12،565 ޝެޑިއުލް ފްލައިޓްތަކާއި 1،106 ޗާޓަރު އަދި ޕްރައިވެޓް ފްލައިޓްތަކުގެ މޫވްމެންޓްތަކެވެ.
ޓޫރިޒަމް މިނިސްޓްރީގެ ތަފާސްހިސާބުތަކުން ދައްކާގޮތުން މިވަގުތު ރާއްޖެއަށް ޖުމުލަ 43 އެއަލައިނަކުން ދަތުރުތައް ކުރަމުން ގެންދެއެވެ. މިއީ ރާއްޖޭގެ ފަތުރުވެރިކަމުގެ ދާއިރާގެ ކުރިއެރުން ދައްކުވައިދޭ މުހިންމު ތަފާސްހިސާބުތަކެކެވެ.
