ހާލަތުގެ ގޮތުން މި ޕޮއިންޓަކީ މި ވަގުތަށް މާޒިޔާ ކައިރިން މޮޅެއްގެ ގޮތުގައި ދެކެވިދާނެ ކަމަށް ވެލެންސިއާގެ ކޯޗު މުހައްމަދު އާތިފް (އާތީ) ބުނެފިއެވެ.
މާޒިޔާ އަތުން ލަނޑެއް ނުޖެހި އެއްވަރުވި މެޗަށްފަހު ވާހަދައްކަމުން އާތީ ބުނީ ކުރިން ވެސް ބެލެވުނު ގޮތަށް މިއީ ވަރަށް ޗެލެންޖިން މެޗެއް ކަމަށާއި ވެލެންސިއާ އަދި ވަރުގަދަ ޓީމެއްގެ ގޮތުގައި ބަލައިގަންނަން އެ ޓީމުގެ ކުޅުން ރަނގަޅުކުރަން ޖެހޭ ކަމަށެވެ.
ކުޅުންތެރިން ވަރަށް ގަދައަޅާ މަސައްކަތްކުރި ވިން އެއް ނޫނީ ޑްރޯއެއް ހޯދަން. ވެލެންސިއާ އަށް (މިވަގުތަށް) ވިން އެއް މާޒިޔާ ކައިރީ ޑްރޯ އަކީ.
– އާތީ ބުނެފައިއެވެ.
އާތީ ބުނީ ލީގުގެ ފުރަތަމަ ބުރު ނިމި ދެ ވަނަ ބުރާ ހިސާބަށް ދާއިރު ވެލެންސިއާ އެންމެ ބޭނުންވާ ލެވަލަށް ކުޅޭނެ ކަމުގެ އުއްމީދު މި މެޗުން އާ ވެގެން ގޮސްފި ކަމަށެވެ.
ލީގަކީ ރަނގަޅު ކޯޗެއް ނޫނީ ރަނގަޅު މެނޭޖްމަންޓެއް ވިއްޔާ ވިސްނާނީ އެންމެ މެޗަކަށް ނޫން މުޅި ލީގަށް. އެގޮތަށް ވިސްނާއިރު މި މެޗުން ބަލިނުވެ ނޫނީ މޮޅުވުމަކީ ވަރަށް މުހިއްމު ކަމެއް. މުޅި ލީގަށް ވިސްނާއިރު އެ ކަހަލަ ގޮތަކަށް ކުޅޭނީ.
– އާތީ ބުނެފައިވެއެވެ.
ލީގުގެ މެޗުތައް ދެން އޮންނާނީ ޖެނުއަރީ ތިން ވަނަ ދުވަހުގަ އެވެ.
ކޮމެންޓު ފޮނުވާ