ހއ. ބާރަށުގެ ސިއްހީ މަރުކަޒުގައި މެޑިކަލް ކުނި ނައްތާލުމަށް އައު ފެސިލިޓީއެއް ގާއިމުކޮށްފިއެވެ.
މި މަޝްރޫއަކީ އެންވަޔަރަމަންޓް މިނިސްޓްރީން ޖީއީއެފްގެ މާލީ އެހީގެ ދަށުން ހިންގާ ޕޮޕްސް މަޝްރޫއުގެ ބައެކެވެ. އެންވަޔަރަމަންޓް މިނިސްޓްރީން ހާމަކުރި ގޮތުގައި، މި އައު ފެސިލިޓީއަކީ މެޑިކަލް ކުނި ނައްތާލާނީ ތިމާވެއްޓާ ރައްޓެހި އުސޫލަކުން ކަމަށާއި، މިކަމުގެ ސަބަބުން ޖައްވަށް ދޫކުރެވޭ ވިހަ ގޭސްތައް މަދުވެގެންދާނެއެވެ.
މީގެ އިތުރުން، މި އައު ނިޒާމުގެ ސަބަބުން ބާރަށު ރައްޔިތުންގެ ސިއްހަތަށް ކުރިމަތިވެދާނެ ނޭދެވޭ އަސަރުތަކުން ރައްކާތެރިކަން ލިބިގެންދާނެ ކަމަށްވެސް އެ މިނިސްޓްރީން ފާހަގަކޮށްފައިވެއެވެ.
ކޮމެންޓު ފޮނުވާ