އުންމީދީ ދިވެހި ފިލްމް "ސާޔާ" ގެ ޓިކެޓް އޮލިމްޕަހުން ވިއްކަން ފަށައިފި އެވެ.
އަންނަ މަހުގެ 7 ވަނަ ދުވަހުގެ ރޭ ޕްރީމިއާކުރަން ހަމަޖެހިފައިވާ ފިލްމުގެ ޓިކެޓާ ބެހޭ އިތުރު މައުލޫމާތު 9732000 ނަމްބަރުން ލިބޭނެ އެވެ. މި ފިލްމް އަކީ ވަރަށް އުންމީދީ ފިލްމްއެކެވެ.
"ސާޔާ" އަކީ މަޝްހޫރު އެކްޓަރު ޔޫސުފް ޝަފީއު (ޔޫއްޕެ) ލިޔެ، ޑައިރެކްޓްކޮށް އަދި މުހިއްމު ރޯލެއް ވެސް ކުޅެފައިވާ ލޯބީގެ ބިރުވެރި ފިލްމެކެވެ. މީގެ ލީޑް ކާސްޓްގައި އައިމިނަތު ރަޝްފާ (އާޝާ) އާއި އިބްރާހީމް ޖިހާދު (ޖިމީ) ވެސް ފެނެ އެވެ.
މި ފިލްމްއަކީ މި އަހަރު އޮލިމްޕަހަށް އަންނަނަ ދެވަނަ ބިރުވެރި ފިލްމެވެ. މި އަހަރު އެޅުވި ފުރަތަމަ ބިރުވެރި ފިލްމަކީ އައި ފިލްމްސް އިން ފެބްރުއަރީގައި ގެނެސްދިން "ކަންބަޅި" އެވެ. "ސާޔާ" އަކީ މި އަހަރު އޮލިމްޕަހުގައި އަޅުވާ ހަ ވަނަ ފިލްމެވެ.
