މެޑްރިޑް މޮޅުވެ އެއްވަނައިގަ އޮތް އެތުލެޓިކޯއާ ޕޮއިންޓުގެ ގޮތުން ހަމަހަމަކޮށްފި

ސްޕެނިޝް ލަލީގަގައި ރެއާލްމެޑްރިޑްއިން ގްރްނޭޑާ ބަލިކޮށް ލީގުގެ އެއްވަނައިގަވާ އެތުލެޓިކޯ މެޑްރިޑާ ޕޮއިންޓުގެ ގޮތުން ހަމަހަމަކޮށްފިއެވެ.

އަމިއްލަ ދަނޑުގައި ކުޅުނު މެޗުން މެޑްރިޑު ކުރި ގްރެނޭޑާއާ ވާދަކޮށް 2-0 ލަނޑުންނެވެ. ދެވަނަހާފްގައި ލަނޑުތައް ފެނިގެންދިޔަ މެޗުގެ ފުރަތަމަ ލަނޑު ކަސްމެރޯ ކާމިޔާބުކުރި އިރު ފަހު ލަނޑު މެޗުގެ އިތުރުވަގުތުގެ ފަހު މިނިޓުގައި މެޑްރިޑަށް ކާމިޔާބުކޮއްދިނީ ކަރިމް ބެންޒީމާއެވެ. މެޗުގެ ފުރަތަމަ ލަނޑުޖެހި ކަސްމެރޯ ވަނީ މިހާތަނަށް މި ސީޒަނުގައި ހަތަރު ލަނޑު މެޑްރިޑަށް ކާމިޔާބުކޮށްދީފައެވެ. މިއީ އެންމެފަހުން މެޑްރިޑް ކުޅުނު ހަމެޗުން އޭނާ ކާމިޔާބުކުރި ތިންވަނަ ލަނޑެވެ. މިމޮޅާއެކު މެޑްރިޑުން ވަނީ ލަލީގާ އެންމެފަހުން ކުޅުނު ފަސް މެޗުވެސް ކާމިޔާބުކޮއްފައެވެ.

މި ނަތީޖާއެކު މެޑްރިޑުން ތާވަލުގެ އެއްވަނައިގަވާ އެތުލެޓިކޯ މެޑްރިޑާ ޕޮއިންޓުންގެ ގޮތުން ހަމަހަމަކޮށްފަ. މެޑްރިޑަށް ވުރެ ދެމެޗު މަދުން ކުޅެގެން ތާވަލުގެ އެއްވަނައިގަ މިވަގުތު އެތުލެޓިކޯ މެޑްރިޑް އޮތީ 32 ޕޮއިންޓާއެކުއެވެ. ހަމަ މިއަދަދަށް ޕޮއިންޓް ހޯދައިގެން ޕޮއިންޓް ހޯދައިގެން ދެވަނަގައި މެޑްރިޑް އޮތްއިރު ތިންވަނަ ރެއާލް ސޮސެއިޑާޑް އޮތީ މެޑްރިޑަށް ވުރެ އެއްމެޗު އިތުރަށް އެތުލެޓިކޯއަށް ވުރެ ތިންމެޗު އިތުރަށް ކުޅެގެން 26 ޕޮއިންޓާއެކުއެވެ.

ސޮސެއިޑާޑްއަށް ވުރެ އެއްމެޗު މަދުން ކުޅެގެން ހަމަ މިއަދަދަށް ޕޮއިންޓް ހޯދައިގެން ވިޔަރެއާލް އޮތީ ހަތަރުވަނައިގައެވެ. 14 މެޗުން 24 ޕޮއިންޓާއެކު ބާސެލޯނާ އޮތީ ފަސްވަނައިގައެވެ.