އިނގިރޭސި ލީގުކަޕުގައި ކުއާޓަރ ފައިނަލުގައި މިރޭ މެންޗެސްޓަ ސިޓީއާ ދެކޮޅަށް ނުކުންނައިރު ނުކުންނާނީ ސިޓީގެ ފެންވަރުއެނގި މޮޅުވާންކަމަށް އާސެނަލްގެ ކޯޗު މިކެލް އާޓެޓަރ ބުނެފިއެވެ.
މެޗަށް ނުކުތުމުގެ ކުރިން ވާހަކަދައްކަމުން އާޓެޓަރ ބުނީ މެޗާ ކުރިމަތިލާއިރު އާސެނަލްއަށް އަނިޔާގެ މައްސަލަތައް ބޮޑުކަމަށެވެ. ޓީމުގެ ސީނިޔާ ބައެއް ކުޅުންތެރިންނަށް އަނިޔާވެފަ ވާކަމަށާއި މެޗުގައި އެކަޑަމީގެ ކުޅުންތެރިންވެސް ބޭނުން ކުރަން ޖެހިދާނެކަމަށް އާޓެޓަރ ވަނީ ބުނެފައެވެ. އެނާ ބުނީ ޓީމު އެކުއެކީގައި ހުރިހާ ކުޅުންތެރިންވެގެން ރަނގަޅު ވާދައެއް ކޮށްފިކަމަށްވާނަމަ ސިޓީ އަތުން މޮޅުވުމަކީ ދުރުގަ އޮތްކަމެއް ނޫންކަމަށެވެ.
އަބަދުވެސް ސިޓީއާ ދެކޮޅަށް ނުކުންނަނީ އެއީ ކިހާ ފެންވަރެއްގެ ޓީމެއް ކަން އެނގިގެން، މިވަރުގެ މެޗަކަށް ނުކުންނަން މިޖެހެނީ ޒުވާން ކުޅުންތެރިންނާއެކު، ނަތީޖާއަށް ވާނެ ގޮތެއް ބަލަމާ.
– އާޓެޓަރ ބުނެފައިވެއެވެ.
އެންމެ މުހިންމު ކަމަކީ މެޗުގައި ސިޓީގެ މައްޗަށް ކުރި ހޯދުންކަމަށާއި އެކަން ހާސިލްކުރަން ނުކުންނާނީ ސީޓިގެ ފެންވަރު ދަނެގެންކަމަށް އާސެނަލްގެ ކޯޗު ވަނީ ބުނެފައެވެ. ހުސްވި ސީޒަންގައި އާސެނަލްއިން ވަނީ ވެމްބްލީގައި ސިޓީ މައްޗަށް ކުރި ހޯދާ އެފްއޭކަޕުގެ ފައިނަލުން ޖާގަ ހޯދާފައެވެ.
ކޮމެންޓު ފޮނުވާ