ބާސެލޯނާ ކެޕްޓަން ލިއޮނަލް މެސީއާ ކުލަބާމެދު ޖެހިފަވާ މައްސަލަތަކާ ގުޅޭގޮތުން، މީޑިޔާގައި ވާހަދައްކަން ބޭނުން ނުވާކަމަށް ބާސެލޯނާގެ ކޯޗު ރޮނާލްޑް ކޫމަން ބުނެފިއެވެ.
މިރޭ ލަލީގާގައި ރެއާލްވަލްޑޮވިޑްއާ ދެކޮޅަށް ނުކުތުމުގެ ކުރިން ވާހަދައްކަމުން ކޫމަން ބުނީ އޭނާ އެއްވެސްވަރަކަށް މީޑިޔާއިން މެސީއާ ގުޅޭގޮތުން ދައްކާވާހަކަ ބަލަން ބޭނުން ނުވާކަމަށެވެ. މެސީ ހުރީ ކުލަބާއެކު ކާމިޔާބުހޯދަން ކެތްމަދުވެފަ ކަމަށާއި އެނާ ކުލަބުގައި މިވަގުތުހުރީ ހިތްހަމަޖެހިގެން ކަމަށެވެ. ކޮންމެ ދުވަހުގެ ކުލަބުގެ ތަމްރީންތަކުގައި މެސީ އަކީ އެހެން ކުޅުންތެރިންނެކޭ އެއްފަދައިން ބުރަކޮށް މަސައްކަތް ކުރަމުންދާ ކުޅުންތެރިޔެއް ކަމަށާއި އޭނާއަށް ކޮންމެ މެޗެއްގައި އެފެންވަރެއްގައި ކުޅެން އުނދަގޫވާނެކަމަށް ބާސެލޯނާގެ ކޯޗު ބުނެފައިވެއެވެ.
މެޗު ތަކުން މޮޅުނުވަންނާ ކުޅުންތެރިންނަށް ޕްރެޝަރުއަންނާނެ، މެސީއަށް ވެސް ހުރިހާ މެޗެއް ކާމިޔާބެއް ނުކުރެވޭނެ، އަހަރަމެން ޓީމަކީ އަރަމުން އަންނަ ޒުވާން ކުޅުންތެރިން ގިނަ ޓީމެއް.
– ކޫމަން ބުނެފައިވެއެވެ.
ކޫމަން ބުނީ މިއަދު ބާސެލޯނާގެ ވަރަށް ގިނަކަންކަން ބަދަލުވާން ޖެހޭކަމަށާއި ޓީމުގެ ޒުވާން ކުޅުންތެރިންގެ ދައުރު މިހާރު ބޮޑުވެއްޖަކަމަށެވެ. އެހެންކަމުން ޓީމުން އެންމެ އެދެވޭ ނަތީޖާއެއް މިވަގުތު ހޯދަން އުނދަގޫވެފަވާކަމަށެވެ. ކޫމަން ބުނީ އަނިޔާގެ ސަބަބުން މުހިންމު ކުޅުންތެރިން ނެތި ކުޅެންޖެހުން އެއީ މިވަގުތައް އޮތް ބޮޑު ގޮންޖެހުމެއް ކަމަށެވެ. ޒުވާން ކުޅުންތެރިންގެ ހުނަރާއެކު އޭނާއަށް ކުލަބުގެ މުސްތަގުބަލް ފެންނަނީ ވަރަށް އުޖާލާކޮށްކަމަށް ކޫމަން ވަނީ ބުނެފައެވެ. މޭސީ ވަނީ ދާދިފަހުން އިންޓަވިއުއެއްގައި މި ސީޒަނުގައި ގިނަ ލަނޑުޖެހުމަށް ވުރެ އޭނާގެ ވިސްނުން ހުރީ ކުލަބަށް ލަލީގާ ކާމިޔާބުކޮށްދިނުން ކަމުގައި ބުނެފައެވެ.
ބާސެލޯނާއިން މިރޭ ރެއާލް ވަލަޑޮލިޑް ދެކޮޅަށް ރަށުން ބޭރުގައި ނުކުންނައިރު ބާސެލޯނާ އޮތީ ލަލީގާގެ ތާވަލުގެ ފަސްވަނައިގަ 13 މެޗުން 21 ޕޮއިންޓާއެކުއެެވެ.
ކޮމެންޓު ފޮނުވާ