ވިއްސާރައިގެ ދަތުރުކުރަމުންދިޔަ، އިރާނުގެ ރައީސްއާއި ފޮރިންގ މިނިސްޓަރ ދަތުރުކުރައްވަމުން ގެންދެވި ހެލިކޮޕްޓަރ ގެއްލުމާއި ގުޅިގެން ދެބޭފުޅުން ހޯދުމަށް އިރާނުގެ އަސްކަރިއްޔާގެ ހުރިހާ ވަސީލަތްތަކެއް މޮބިލައިޒް ކުރުމަށް އިރާނުގެ އަސްކަރިއްޔާގެ އެންމެ އިސްވެރިޔާ އަމުރު ކުރައްވައިފިއެވެ.
އިރާނުގެ ރައީސްއާއި ފޮރިން މިނިސްޓަރ ދަތުރު ކުރައްވަމުން ގެންދެވި ހެލިކޮޕްޓަރ ގެއްލިފައިވާ ކަމަށް އިރާނުގެ ސަރުކާރުންވެސް މިހާރުވަނީ ޔަގީން ކޮށްފީފައެވެ.
އީރާނުގެ ރައީސްގެ އިތުރުން ފޮރިން މިނިސްޓަރވެސް ދަތުރު ކުރައްވަމުން ގެންދެވި ކޮންވޯއީއެއްގައި ހިމެނޭ އެއް ހެލިކޮޕްޓަރެއް އެކްސިޑެންޓެއް ހިނގާފައިވާ ކަމަށާއި، އެ ކޮންވޯއިގައި ހިމެނޭ އަނެއް ދެ ހެލިކޮޕްޓަރ ސަލާމަތުން ލޭންޑް ކޮށްފައިވާކަމަށް މީޑިއާ ރިޕޯޓުތައް ވަނީ ބުނެފައެވެ.
ރިޕޯޓްތައް ބުނާ ގޮތުގައި ރައީސީއާއި ފޮރިން މިނިސްޓަރ ދަތުރު ކުރައްވަމުން ގެންދެވި ހެލިކޮޕްޓް ދަތުރު ކޮށްފައިވަނީ ވިއްސާރަވެސް އެސަރަހައްދުގައި ވަރަށް ބޮޑަށް ދުންފިނި އުފެދިފައި ވަނިކޮށެވެ.
އިރާނުގެ އިންޓީރިއާ މިނިސްޓަރު އަހުމަދު ވަހީދީ ވިދާޅުވީ މޫސުން ގޯސްވުމުގެ ސަބަބުން އެތަނަށް ދިއުމަށް ސަލާމަތީ ފަރާތްތަކަށް ދަތިވި ނަމަވެސް އަދިވެސް އެ ސަރަހައްދަށް ދިއުމަށް މަސައްކަތް ކުރަމުން އަންނަ ކަމަށެވެ.
އީރާނުގެ މީޑިއާތަކުން ރިޕޯޓު ކޮށްފައިވާގޮތުގައި ހެލިކޮޕްޓަރ އެކްސިޑެންޓްވިކަމަށް ބުނާ ސަރަހައްދަށް އިރާނުން މިހާރުވަނީ ޑްރޯންތައްވެސް ފޮނުވާފައެވެ. އަދި އިރާންގެ ރެޑް ކްރެސެންޓްގެ 40 ޓީމަކުން އެސަރަހައްދަށް ދިއުމަށް މަސައްކަތް ފަށާފައިވާކަމަށްވެސް ބުނެފައި ވެއެވެ.
ރައިސީ އީރާނުގެ ހުޅަނގު އުތުރުގައި އޮންނަ ތަބްރީޒް ސިޓީއަށް މިސްރާބު ޖެހީ އީރާނާއި އަޒަރުބައިޖާންގެ ބޯޑަރު ސަރަހައްދުން އެނބުރިއައި މަގުމަތީގައި ކަމަށް ލޯކަލް މީޑިއާތަކުން ބުނެ އެވެ.
އިރާނުގެ ރޫހާނީ ލީޑަރު ވިދާޅުވެފައިވަނީ، އެގައުމުގެ ރައީސް ދިރިހުއްޓާ ފެނުމަށް ދުއާކުރަމުންދާ ކަމަށާއި، މި ހާދިސާގެ ސަބަބުން އެގައުމުގައި ދާޚިލީ އެއްވެސް މައްސަލައެއް ކުރިމަތި ނުވާނެކަމުގައެވެ.
މީޑިއާ ރިޕޯޓުތައް ބުނެފައިވާ ގޮތުގައި، ރައީސީއާއި ފޮރިން މިނިސްޓަރ ނުފެނި ގިނަ ވަގުތުވަމުންދާ ވަރަކަށް ދެބޭފުުން ދިރި ތިއްބާ ފެނުމުގެ ފުރުސަތު ކުޑަވަމުންދާ ކަމުގައެވެ. އޭގެ ސަބަބަކީ، ހެލިކޮޕްޓަރ ގެއްލިފައިވާ ސަރަހައްދަކީ ފަރުބަދަމަތީ ސަރަހައްދަކަށް ވެފައި، އެސަރަހައްދުގެ ވިއްސާ ކިރިޔާވެސް ރަގަޅުވާނެކަމަށް ބެލެވެނީ މާދަމާ ރޭ ކަމަށް ވާތީއެވެ. އަދި ރޭގަޑުވަމުންދާ ވަރަކަށް އެ ސަރަހައްދުގެ ފިނިހޫނުމިން ދަށްވަމުން ދާތީއެވެ.
