މިއަދު ހަވީރު ލީގުގައި ދަ ގްރާންޑޭ ސްޕޯޓްސް ކްލަބާ ދެކޮޅަށް ނުކުންނައިރު އަނިޔާތަކުގެ މައްސަލަތަކެއް އެބައުޅޭ ކަމަށާއި އެންމެ ބޮޑު އަމާޒަކީ އޭގެއިން ރިކަވާވެގެން ދަ ގްރާންޑޭ މެޗަށް ވީ އެންމެ ފުރިހަމަކޮށް ތައްޔާރުވުން ކަމަށް ސުޕަ ޔުނައިޓެޑް ސްޕޯޓްސް (ސަސް)ގެ އަހުމަދު ނާޝިދު (ނާދު) ބުނެފިއެވެ.
ނާދު ބުނީ އީގަލްސް އަތުން މޮޅުވި މެޗަށް ފަހު ޓީމުގައި އަނިޔާގެ ބައެއް މައްސަލަތައް އެބަހުރި ކަމަށާއި، ޓީމުގެ ވަރުބަލިކަން ހުރުމާ އެކު ފަރިތަކުރުންތައް ކުރިއަށްގެންދަނީ ކުޅުންތެރިންނަށް އަރާމުކުރަން ފުރުސަތުދީގެން ކަމަށެވެ. އީގަލްސް އަކީ ލީގުގައި ވާދަކުރާ އެންމެ ވަރުގަދަ އެއް ޓީމު ކަމަށާއި އެ ޓީމު އަތުން މޮޅުވުމަކީ އާންމުކޮށްވާނެ ކަމެއް ނޫން ކަމުގައި ދެކޭ ކަމަށް ނާދު ވަނީ ބުނެފައެވެ. ބޭނުންވަނީ އެ މެޗުން ލިބުނު ހިތްވަރުގެ ބޭނުން ހިފައި ދެން ހުރި މެޗުތަކުގައި ވެސް ރަނގަޅު ނަތީޖާ ނެރުން ކަމަށް އޭނާ ވަނީ ބުނެފައެވެ.
ކައިރި ކައިރީގައި މެޗުތައް ކުޅޭއިރު އަނިޔާގެ ކަންތައްތައް އަންނާނެ. ވީހާ ވެސް ބޮޑަށް އެ ކުޅުންތެރިން ސީޒަނުގައި ބޭނުންކުރެވޭ ގޮތަށް ހަދަން ޕްލޭންކުރަނީ.
– ނާދު ބުނެފައި ވެއެވެ.
ލީގުގައި ކުޅުނު ފުރަތަމަ މެޗުން ސަސް ވަނީ ޗެރިޓީ ޝީލްޑް ޗެމްޕިއަން އަދި މިދިޔަ ސީޒަނުގެ ލީގުގެ ރަނަރަޕް ކްލަބް އީގަލްސް 1-0 އިން ބަލިކޮށްފަ އެވެ.
ކޮމެންޓު ފޮނުވާ