ދުނިޔޭގެ އެންމެ ވަރުގަދަ އެއް ސޯޝަލް މީޑިއާ ޕްލެޓްފޯމް ކަމުގައިވާ ޓިކްޓޮކާ އެކު ސްޓްރެޓެޖިކް ޕާޓްނާޝިޕް އެއްބަސްވުމެއްގައި އުރީދޫއިން ސޮއި ކޮށްފިއެވެ.
ރޭ، އުރީދޫ ހެޑް ކުއާޓަރ ގައި ބޭއްވި އިވެންޓެއްގައި ވަނީ އެ ކުންފުނިން ޓިކްޓޮކަށް މަރުހަބާ ކިޔައިފައިވާކަން އިއުލާންކޮށް ޓިކްޓޮކަށް ޚާއްސަ ޕެކްތަކެއްވެސް ލޯންޗްކޮށްފަ އެވެ.
އޫރެދޫއިން ބުނެފައިވަނީ، ޓިކްޓޮކާ އެކު ސްޓްރެޓެޖިކް ޕާޓްނާޝިޕް އިއުލާނު ކުރުމަކީ ވަރަށް ބޮޑު އުފަލެއް ކަމަށާއި، މިއީ އެކުންފުނީގެ އަގުހުރި ކަސްޓަމަރުންނަށް ގްރައުންޑްބްރޭކިން ސޮލިއުޝަންތަކާއި ތަފާތު ތަޖުރިބާތައް ފޯރުކޮށްދިނުމަށް ކުރާ މަސައްކަތް ރަމްޒުކޮށްދޭ އެއްބާރުލުމެއް ކަމުގައެވެ.
އަދި ޓިކްޓޮކް ކޮމިއުނިޓީ ކުރިއަރަމުން އަންނަ ރާއްޖޭގައި އެކުންފުނީގެ އަމާޒަކީ އުރީދޫގެ އެޑްވާންސް ނެޓްވޯކާއި އެކްސްކްލޫސިވް ޓިކްޓޮކް އޮފަރިންތައް މެދުވެރިކޮށް ޚިޔާލުފޅުކޮށް، އެކަކު އަނެކަކާއި ގުޅިވައިދީ، އަދި ކަންކަން ހޯދާ ބެލުމުގެ ފުރުސަތު ބޭނުންކުރާ ފަރާތްތައް ފަހިކޮށް ދިނުންކަމަށްވެސް އުރީދޫގެ ސީއީއޯ އަދި އެމްޑީ ހާލިދު އަލް ހަމާދީ، ސީއީއޯ ވިދާޅުވެފައި ވެއެވެ.
ޓިކްޓޮކަކީ ދިވެހިންގެ ތެރޭގައިވެސް އެންމެ މަޤުބޫލު އެއް މީސްމީޑިޔާ ޕްލެޓްފޯމު ކަމުން އުރީދޫގެ މި ޕާޓްނާޝިޕުގެ ސަބަބުން ވަރަށް ގިނަ ކޮންޓެންޓް އުފައްދާ މީހުންނަށް ލުއި ފަސޭހަތަކެއް ލިބިގެންދާނެއެވެ.
