ޗީޒް ކަޓްލެސް އަކީ ވަރަށް މީރު އަދި ކުޑަކުދިންގެ މެދުގައި ވަރަށް މަގުބޫލު އެއްޗެކެވެ. އާންމުކޮށްވެސް ކުޑަކުދިން ނަށް ޗީޒް އަކީ ވަރަށް މީރު އެއްޗެއް ކަމުން މިއީ ސުފުރާ ފަޅުފިލުވައިލުމާ ރަނގަޅު ބާވަތަކަށް ވާނެއެވެ.

ބޭނުންވާނެ ތަކެތި:

• 2 އަލުވި ބޮޑު (ފެނުކައްކައިފައި)
• 1 ފިޔާ ބޮޑު (ތުނިކޮން ކޮށާލައިފައި)
• 2 ލޮނުމެދު (ގާނާފައި)
• 6 ހިކަނދި ފަތް
• 1 ދަޅު މަސް
• 1 ގިތެޔޮ މިރުސް ކުޑަ (ކޮށާލައިފައި)
• 1 މޭޒުމަތީ ސަމުސާ ލުބޯ ހުތް
• 1 ޖޯޑޫ ޗީޒް (ގާނާފައި)
• 1/3 ސައި ސަމުސާ ޕެޕާ ޕައުޑަރު
• 1/3 ސައި ސަމުސާ ލޮނު
• 1 ޖޯޑު ފާރޮށި ކުނޑި
• 2 ބިސް

ތައްޔާރު ކުރާނެ ގޮތް:

އެންމެ ފުރަތަމަ ތަވާ އުދުން މައްޗަށް އުދާށެވެ. އެއަށް ފަހު މަސްދަޅުގެ ތެޔޮކޮޅު އަޅައި ލުމަށްފަހު ، ފިޔާ އާއި ހިކަނދި ފަތް އަދި ލޮނުމެދު އަޅައި ރަނގަޅަށް ވަޅޯ ކޮށްލާށެވެ. ދެން މިރުސް އަދި މަސްދަޅު އަޅައި ހަނާ ކޮއްލާށެވެ. އެއަށް ފަހު ތައްޓަކަށް އަލައިލާށެވެ.

ހިހޫ ވުމުން އަލުވި އަޅާ ފިޔާގަނޑާއި އެއްކޮށްލާށެވެ. އެއަށް ފަހު ޕެޕާ، ލުބޯ ހުތް އަދި ލޮނު އަޅާ ރަހަ ހެޔޮވަރު ކޮށްލާށެވެ. ރަނގަޅަށް ހުރިހާ އެއްޗެއް މޮޑެލުމަށްފަހު ޗީޒް ކޮޅު އަޅައި އެއްކޮށްލާށެވެ.

ދެން ކުދި ކުދި ބޯޅާ ތަކެއް ހަދައިލާށެވެ. އެއަށް ފަހު ބިސް ތައްޓަކަށް އަޅައި ރަނގަޅަށް މިކްސް ކޮށްލާށެވެ. އެހެން ތައްޓަކަށް ފާރޮށި ކުޑި ކޮޅު އަޅައިލާށެވެ. އެއަށް ފަހު ފަހަރަކު ކަޓްލަސް އެއް، އެންމެ ފުރަތަމަ ބިސް ތެރަށް ދެން އެއަށް ފަހު ފާރޮށި ކުޑިއަށް ލަމުން ގެންދާށެވެ.

ހުރިހާ ކަޓްލަސް އެއް ހަދައި ނިމުމުން ތެލުލާށެވެ. ކަޓްލަސް ތެލުލާނީ ބޭރަށް ގޯލްޑެން ބްރައުން ކުލަ އަރާލަންދެންނެވެ.