ރޯދަމަސް ނިމެން ދެތިން ދުވަހަށް ވެފައި ވާއިރުގައި، މިހާތަނަށް ތަފާތު ރެސިޕީ ތަކެއް ވާނީ ގެނެސްދެވިފައިއެވެ. މިއަދު މި އޮތީ ހަނާކުރި ކުކުޅެވެ. ކުޅި މަސް އާއި ދާދި އެއްގޮތަށް ތައްޔާރު ކުރާ ހަނާކުރި ކުކުޅަކީ ރޮށި ނުވަތަ ބަތާ އެކުގައިވެސް ކައިލެވޭނެ އެއްޗެކެވެ.

ބޭނުން ވާނެ ތަކެތި:

• 2 ޗިކަން ބްރެސްޓް (ކިއުބް ކޮން ކޮށާލައިފައި)
• 1 ފިޔާ ބޮޑު (ދިގަށްވާގޮތަށް ކޮށައިލާފައި)
• 3 ލޮނުމެދު (ދިގަށްވާގޮތަށް ކޮށައިލާފައި)
• 1 ގިތެޔޮމިރުސް ކުޑަ (ކޮށާލައިފައި)
• ލޮބޯ އެއްގެ ފަޅިއެއް
• 10 ހިކަނދި ފަތް
• 2 އިންޗީގެ 2 ރާނބާފަތް ކޮޅު
• 1 ސައިސަމުސާ ޗިލީ ޕައުޑަރު
• 1/2 ސައި ސަމުސާ ޕެޕާ ޕައުޑަރު
• 1/2 ސައިސައުމާ ކިއުމިން ޕައުޑަރު
• 3 ކާފޫރު ތޮޅި
• 3 އިންޗީގެ ފޮނިތޮށި ކޮޅެއް
• 3 މޭޒުމަތީ ސަމުސާ ތެޔޮ
• 1 ޕެކެޓް ޓޮމާޓޯ ޕޭސްޓް
• 1/2 ޖޯޑު ޕްލޭން ޔޯގަޓް
• ލޮނު ކޮޅެއް

ތައްޔާރު ކުރާނެ ގޮތް:

އެންމެ ފުރަތަމަ ކުކުޅު ކޮޅު މެރިނޭޓް ކޮށްލުމަށް، ޔޯގަޓް ކޮޅު ތައްޓަކަށް އަޅައިލާށެވެ. ދެން ޗިލީ ޕައުޑަރު، ޕެޕާ ޕައުޑަރު، ކިއުމިން ޕައުޑަރު، އަދި ލޮނުކޮޅެއް ލުމަށްފަހު އެއްކޮށްލާށެވެ. ދެން ކުކުޅު ކޮޅު އަޅައި ރަނގަޅަށް ކުކުޅު ކޮޅު އެއްކޮށްލާށެވެ. މަތިޖެހުމަށްފަހު ގަޑިއެއްހައި އިރަށް ބައިންދާށެވެ.

ދެން ތަވާ އުދުން މައްޗަށް އުދާށެެވެ. އެއަށް ފަހު ތެޔޮ ކޮޅު އަޅައިލާށެވެ. ތެޔޮކޮޅަށް ހޫނު ވުމުން ފިޔާ އަދި ލޮނުމެދު އަޅާ ހަނާކޮށްލާށެވެ. ދެން ރާނބާ ފަތް އަދި ހިކަންދި ފަތް ކޮޅު އަޅާ ހަނާ ކޮށްލާށެވެ. ދެން ކާފޫރު ތޮޅި އަދި ފޮނިތޮށި ކޮޅު އަޅައިލާށެވެ. ރަނގަޅަށް ކައްކައިލުމަށްފަހު މަސްކޮޅު އެއްކޮށްލާށެވެ. މަސްކޮޅު ރޯފލަންދެން ކައްކައިލާށެވެ. ދެން ޕޭސްޓް ޕެކެޓް އަޅައި އެއްކޮށްލުމަށްފަހު ލޮނު ހެޔޮވަރު ކޮށްލާށެވެ. 3 މިނިޓް އެއްހައި އިރަށް އިތުރަށް ކައްކައިލާށެވެ. މިހާރު ހުންނާނީ ހަނާކުރި ކުކުޅު ތައްޔާރުވެފައިއެވެ.