ފުރާ މީހުންގެ އަދަދު ގިނަވުމުން ދިމާވެދާނެ ދަތިތައް ކުޑަކުރުމުގެ ގޮތުން މްރާއަށް ފުރާ މީހުން ދުރާލައި އެއާޕޯޓަށް ދާން އެދިއްޖެ އެމްއޭސީއެލްއިން އިލްތިމާސް ކޮށްފިއެވެ.
އެމްއޭސީއެލްއިން ބުނެފައިވަނީ، އުމުރާއަށް ފުރާ ބޭފުޅުން އުމްރާއަށް ފުރާއިރު، ވީއައިއޭގެ އޮޕަރޭޓަރެއްގެ ހައިސިއްޔަތުން، ފަސިންޖަރުންނާއި ޢާއިލާއަށް ފަސޭހަކަމާއެކު ދަތުރުކުރުމުގެ ފުރުސަތު ހޯދައިދިނުމަށްޓަކައި ކުރެވެން ހުރި ހުރިހާ އެކުންފުނިން މަސައްކަތެއް ކުރަމުން ގެންދާނެކަމުގައެވެ.
އެހެންނަމަވެސް، ފަސިންޖަރުންގެ އަދަދު އިތުރުވުމުގެ ސަބަބުން ދަތުރުވެރިންނަށް ގިނަ ވަގުތު އެއަރޕޯޓުގައި މަޑުކުރަން ޖެހުމަކީ އެކަށީގެންވާ ކަމަށާއި އެހެންކަމުން، ފަސިންޖަރުން އެކަމަށްޓަކާ ކުރިން ތައްޔާރުވެ، ޗެކްއިން ކުރުމަށް އަވަހަށް އައުމަށް އިލްތިމާސްކުރާ ކަމުގައެވެ.
އެމްއޭސީއެލްއިން ބުނެފައިވަނީ، އެކުންފުނީ ސްޓާފުން ތިބޭނީ ހުރިހާ ހުރިހާ ހާލަތެއްގައިވެސް ފުފާ މީހުންނަށް އެހީތެރިކަން ފޯރުކޮށްދޭން ތައްޔާރަށް ކަމުގައެވެ.
އުމްރާގެ އަޅުކަން އަދާކުރަން މިއަދު އެކަނި ވެސް 600 އަށްވުރެ ގިނަ އުމްރާވެރިން ފުރާފައިވެއެވެ.
ވީއައިއޭއިން ހިއްސާކުރި މައުލޫމާތުތަކަށް ބަލާއިރު އެންމެ ގިނަ ބަޔަކު ދަތުރުކޮށްފައިވަނީ ސައުދީ އެއާއިންނެވެ. މި އެއާލައިނުން 131 މީހަކު ވަނީ ފުރާފައެވެ. އެއީ ހައްޖު ކޯޕަރޭޝަން އިން ކޯޓާގެ ދަށުންނެވެ.
ދެވަނައަށް އެންމެ ގިނަ އުމްރާވެރިން ފުރާފައި ވަނީ ތަވައްކަލްތު ޖަމާއަތުންނެވެ. އެ ޖަމާއަތުން 104 އުމްރާވެރިއަކު ފުރާފައިވެއެވެ.
