މާލޭ ސިޓީގެ 4 މިސްކިތެއްގައި މިއަދު ޒުވާން ޚަޡީބުން ހުކުރު ކޮށްފިއެވެ.
އެ މިސްކިތްކަތަކީ ޢައްޒުއްދީން (ޠައިބާ މިސްކްތް) މިސްކިތާއި، ޢީދު މިސްކިތާއި، މަސްޖިދުން އަމާނީއާއި، މާލޭ ހުކުރު މިސްކިތެވެ.
އަލަށް އިމާމުވެ ހުކުރު ކުރި ޚަތީބުންނަކީ:
- ސުލައިމް މުޙައްމަދު ލަޠީފް (ތައިބާ މިސްކިތުގައި)
- ޢަބްދުލްމަތީން މުޙައްމަދު (ޢީދު މިސްކިތުގައި)
- ނައުފަން ނިޔާފް (މާލޭ ހުކުރު މިސްކިތުގައި)
- ޙުސައިން ޒައިން ޢަލީ ( ހުޅުމާލޭގެ މަސްޖިދުލް އަމާނީގައި)
ޒުވާން ޚަޡީބުން ތަމްރީމްކުރުމަށް ބޭއްވި ޕްރޮގްރާމްގެ ފުރަތަމަ ބުރު ނިންމާލާފައިވަނީ މިމަހުގެ 12 ވަނަ ދުވަހުއެވެ. އަދި ފުރަތަމަ ބުރުފުރިހަމަ ކުރި ބައިވެރިންނަށް އެދުވަހު ސެޓްފިކެޓް ހަވާލު ކޮށްފައެވެ.
މި ޕްރިގްރާމް މާލޭ ސަރަހައްދުގައި ކުރިޔަށް ގެންގޮސްފައިވަނީ މިމަހުގެ 6 އިން 9 ވަނަ ދުވަހުގެ ނިޔަލަށެވެ.
ޒުވާން ޚަޡީބުން ތަމްރީނު ކުރުމަށް ހުޅުވާލި ފުރުސަތުގައި 160 ކުދިންނާއި އިންޓަރވިއުކޮށްފައި ވެއެވެ. މި ޕްރޮގްރާމް އަމާޒުކުރީ ގްރޭޑް 10، 11 އަދި 12 ގައި އުޅޭ ދަރިވަރުންނަށާއި ސްކޫލް ނިމިފައިވާ ދަރިވަރުންނަށް ހުކުރުކުރުމުގެ ހުއްދަ ދިނުމަށެވެ.
