ރައީސް މުއިއްޒުއަށް ވެރިކަަމށް ވަޑައިގެންނެވުނީ އިންޑިއާ އައުޓަށް އޮތް ތާއީދެއްގެ ސަބަބުން ނޫންކަމަށާއި، ވެރިކަަމަށް ވަޑައިގެންނެވުނީ ރައީސް ސާލިހުއާއި އެމްޑީޕީ ބަލިކަށިވެފަ އޮތުމުން ކަމުގައި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
އިންޑިއާގެ ރިޕަބްލިކް މީޑިއާ ނެޓްވާކުން އިންތިޒާމްކޮށްގެން ބޭއްވި "ރިބަޕްލިކް ސަމިޓް"ގައި ވާހަކަ ދައްކަވަމުން ނަޝީދު ވިދާޅުވީ ރައީސް މުއިއްޒު ރިޔާސީ އިންތިޚާބު ކާމިޔާބު ކުރެއްވީ އެމްޑީޕީން ވަކިވެގެންދިޔަ ފަރާތްތަކުންވެސް އެހޯތެރިކަން ފޯރުކޮށްދީގެން ކަމަށާއި، ރައީސް ޔާމިންވެސް އޭރު ހުންނެވީ ރައީސް މުއިއްޒުއަށް ތާއީދުކޮށްގެން ކަމުގައެވެ.
ރައީސް މުއިއްޒުއަށް ރިޔާސީ އިންތިޚާބު ކާމިޔާބު ކުރެއްވުނީ އިންޑިއާ އައުޓު ކެމްޕޭނަށް އޮތް ތާއީދެއްގެ ސަބަބުންތޯ ކުރެވުނު ސުވާލަށް ޖަވާބު ދެއްވަމުން ނަޝީދު ވިދާޅުވީ، އިންޑިއާ އައުޓަކީ އެއްވެސް އިރަކު ރާއްޖޭގައި ތާއީދު އޮތް ހަރަކާތެއް ނޫންކަމަށާއި، ވެރިކަން ބަދަލުވުމުގެ ހަގީގީ ސަބަބަކީ އޭރު ވެރިކަމުގައި ހުންނެވި ރައީސް ސާލިހުއަށް ތާއީދު ނެތިފައި އެމްޑީޕީ ބައިބައިވެފައި އޮތުން ކަމުގައެވެ.
އަދި ނަޝީދު ވިދާޅުވީ ރައީސް މުއިއްޒުއަށް ތާއީދު ކުރި ހުރިހާ ފަރާތެއްވެސް މިހާރު ރައީސް މުއިއްޒު ދޫކޮށް ހިގައްޖެ ކަމަށާއި، އޭގެ ނަތީޖާއެއްގެ ގޮތުގައި ރައީސް މުއިއްޒުވެސް މިހާރު ބާކީވެ އެކަނިވެރި ވެފައިވާ ކަމުގައެވެ.
ނަޝީދު އިތުރަށް ވިދާޅުވީ ރައީސް މުއިއްޒުއަށް މިސްރާބު ބަދަލުކުރައްވަމު މަޖޫރު ވާނެކަމަށެވެ. އަދި އިންޑިއާއަކީ ބުލީކުރާ ގައުމެއްގެ ގޮތުގައި ރައީސް މުއިއްޒު ސިފަކުރެއްވި ކުރެއްވުން ރައީސް މުއިއްޒު ކުށްވެރި ކުރެއްވިއެވް.
