ހޯމް މިނިސްޓްރީގެ ނައިބަކަށް ކުރީގެ އިމިގްރޭޝަން ކޮންޓްރޯލަރުގެ މަގާމާއި ހައި ކޯޓްގެ ފަނޑިޔާރުކަން ކުރިން ކުރެއްވި ހަސަން އަލީ އައްޔަންކޮށްފިއެވެ.
ހަސަން އަލީއަކީ ކުރީގެ ރައީސް އަބްދުﷲ ޔާމީންގެ ވެރިކަމުގައި އިމިގްރޭޝަން ކޮންޓްރޯލާގެ މަގާމު އަދާކުރެއްވި ބޭފުޅެކެވެ. އަދި ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި ހައި ކޯޓުގެ ފަނޑިޔާރުކަން އަަދާކުރެއްވުމަށްފަހު ފަނޑިޔާރުކަމުން އޭނާ އިސްތިއުފާ ދެއްވީ 2020 ވަނަ އަހަރުގައެވެ.
ދެކުނު ކޮރެއާގައި ޝަރީއަތާއި ގާނޫނީ ދާއިރާ އިން ތައުލީމް ހާސިލް ކުރެއްވި ހަސަން އަލީ ފުލުހުންގެ ލީގަލްގެ މަގާމު ވެސް 2007-2013 އަށް ކުރެއްވި އެވެ. ހަސަން އަދާކުރެއްވި އިތުރު މަގާމުތަކުގެ ތެރޭގައި ހައި ކޯޓުގެ ރެޖިސްޓްރާކަމުގެ މަގާމު ވެސް ހިމެނެއެވެ.
ހޯމް މިނިސްޓްރީގައި މިހާރު ޖުމްލަ 15 ނައިބުންނާއި ތިން ސްޓޭޓް މިނިސްޓަރުން އެބަތިއްބެވިއެވެ.
ކޮމެންޓު ފޮނުވާ