މައްޔިތުންގެ ހަނދާނުގައި ސުކޫތު ގެނައުމަކީ ސުންނަތުން ޘާބިތުވާ ކަމެއް ނޫން. މައްޔިތުންނަށް ފައިދާކުރާނީ ހެޔޮ ދުޢާ އިންނާއި ޞަދަޤާތުން.

— Dr.Mohamed Iyaz (@dr_iyaz) December 26, 2023

މައްޔިތުންގެ ހަނދާނުގައި ސުކޫތު ގެނައުމަކީ ސުންނަތުން ޘާބިތުވާ ކަމެއް ނޫން ކަމުގައި ޑރ. އިޔާޒު ވިދާޅުވެފައިވާއިރު، ގައުމީ އެއްބައިވަންތަކަމުގެ ދުވަސް ފާހަގަކުރުމުގެ ގޮތުން، ސުނާމީ ކާރިސާގައި ނިޔާވި މީހުންނާއި ގެއްލުނު މީހުންގެ ހަނދާނުގައި އިއްޔެ ހެނދުނު ވަނީ ސުކޫތެއް ގެނެސްފައެވެ. މި ސުކޫތުގައި ރައީސް ޑރ. މުހައްމަދު މުއިއްޒުގެ އިތުރުން ދައުލަތުގެ ވަޒީރުންވެސް ވަނީ ބައިވެރިވެވަޑައިގެންފައެވެ.

ސުނާމީ ކާރިސާއަށްފަހު ރާއްޖޭގައި ކޮންމެ އަހަރެއްގެ ޑިސެންބަރުމަހުގެ 26 ވަނަ ދުވަސް ފާހަގަކުރަނީ ގައުމީ އެއްބައިވަންތަކަމުގެ ދުވަހުގެ ގޮތުގައެވެ.

އަދި ކޮންމެ އަހަރަކުވެސް އެދުވަހު، ސުނާމީ އެރި ވަގުތާއި ދިމާކޮށް، އެ ހާދިސާގައި ދުނިޔެ ދޫކުރި މީހުންގެ ހަނދާނުގައި ސުކޫތެއް ގެނެއެވެ.