ރައީސް ޑރ. މުހައްމަދު މުއިއްޒު، ލޯކަލް ގަވަމަންޓް އޮތޯރިޓީ (އެލްޖީއޭ) ގެ ސީއީއޯގެ މަގާމަށް ކުރީގެ ޓޫރިޒަމް މިނިސްޓަރު ޑރ. މަރިޔަމް ޒުލްފާ އައްޔަނުކުރައްވައިފިއެވެ.
ރާއްޖޭގެ ޓޫރިޒަމް މިނިސްޓަރުކަން ހަމައެކަނި ކުރެއްވެވި އަންހެން ބޭފުޅާ ޒުލްފާ އެ މަގާމަށް އައްޔަނުކުރައްވާފައި ވަނީ މިއަދު ރައީސް އޮފީހުގައި ބޭއްވި ރަސްމިއްޔާތެއްގައެވެ.
ޒުލްފާއަކީ ކޮންސްޓިޓިއުޝަނަލް ލޯއިން މަތީ ތައުލީމް ހާސިލް ކުރައްވާފައިވާ ބޭފުޅެކެވެ. އަދި އޭނާ ވަނީ އާބާދީ އާއި ޕްލޭނިން އާއި ބިޒްނަސް އެޑިއުކޭޝަނާއެކު ޕީއެޗްޑީވެސް ހާސިލު ކުރައްވައިފައެވެ. ޒުލްފާ މި ފަހުން ވަނީ ވެރިކަން ކުރާ މައި ޕާޓީ، ޕީއެންސީއާ ވެސް ގުޅިވަޑައިގެންފައެވެ.
ކުރީގެ ރައީސް މުހައްމަދު ނަޝީދުގެ ވެރިކަމުގައި ޒުލްފާ ޓޫރިޒަމް މިނިސްޓަރު ކަމުގައި ހުންނަވަނިކޮށް ނަޝީދު އަމިއްލަފުޅަށް ރައީސުލްޖުމްހޫރިއްޔާގެ މަގާމުން އިސްތިއުފާ ދެއްވުމުން، އޭރު އެކަމަނާ ރާއްޖެ ދޫކުރައްވާ ދިރިއުޅުއްވުން ރާއްޖެ އިން ބޭރަށް ބަދަލު ކުރެއްވިއެވެ.
ނަމަވެސް 11 އަހަރުގެ ދިގު މުއްދަތަކަށް ފަހު އެކަމަނާ ވަނީ މިދިޔަ އޮކްޓޯބަރު މަހު ވަނީ ރާއްޖެ ވަޑައިގެންފައެވެ.
