ޕާކިސްތާނުގެ ކުރީގެ ބޮޑުވަޒީރު އިމްރާން ޚާންގެ ބަދަލުގައި އޭނާގެ ޕާޓީގެ ވެރިއަކަށް އެހެން ބޭފުޅެއް

ޕާކިސްތާނުގެ ކުރީގެ ބޮޑުވަޒީރު އިމްރާން ޚާން، އޮޅުވާލާފައިވާ ކަމަށް ބުނާ ގިނަ ތުހުމަތުތަކެއް ކޮށް ޖަލުގައި ހުންނެވި އިމްރާން ޚާން، އޭނާ އުފެއްދެވި ޕާޓީގެ ވެރިޔާގެ މަގާމަށް ހޮނިހިރު ދުވަހު ބަދަލު ކޮށްފިއެވެ. އިމްރާން ޚާން ތުހުމަތު ކޮށްފައިވަނީ އޭނާ ޖަލުގައި ހައްޔަރު ކޮށްފައިވަނީ އަންނަ އަހަރު ބޭއްވުމަށް ހަމަޖެހިފައިވާ އިންތިޚާބުގައި އޭނާއަށް ވާދަކުރުމުގެ ފުރިސަތު ގެއްލުވާލުމަށް ކަމުގައެވެ.

އިމްރާން ވަނީ 1996 ވަނަ އަހަރު ޕާކިސްތާން ތަހްރީކޭ އިންސާފް (ޕީޓީއައި) ޕާޓީ އުފައްދަވައި، ޖެހިގެން އައި އަހަރު ބޭއްވި އިންތިހާބަކުން އެންމެ ގޮނޑިއެއް ވެސް ކާމިޔާބު ނުކުރެވި، 2018 ވަނަ އަހަރުގެ ވޯޓަށް ފަހު ނޭޝަނަލް އެސެމްބްލީގެ އެންމެ ބޮޑު ބްލޮކަކަށް ވެވަޑައިގެން، ބޮޑުވަޒީރުކަމުގެ މަގާމަށް ވަޑައިގެންފަ އެވެ.

އޭނާ މަގާމުން ދުރުކޮށްފައިވަނީ، ޕާކިސްތާނުގެ ތާރީހުގައި ގިނަ ދުވަސްތަކެއް ވަންދެން ވެރިކަން ހިއްސާކުރި ޒަމާންވީ ދެ ޕާޓީ އިސްވެ އޮވެ އުފައްދާފައިވާ ކޯލިޝަނުން މިދިޔަ އަހަރު ނެގި އިތުބާރު ނެތްކަމުގެ ވޯޓަކުންނެވެ.

ދައުލަތުގެ ލިޔުންތައް ލީކުކޮށްލި ކަމުގެ ތުހުމަތާ އެކު ގިނަ މައްސަލަތަކެއްގެ ޝަރީއަތުގެ އިންތިޒާރުގައި އޮގަސްޓް މަހުން ފެށިގެން ބަންދުކޮށްފައި ހުންނެވި އިމްރާން ޕާޓީގެ ޗެއާމަނަކަށް ހަމަޖެއްސެވީ އިމްރާނާ ގުޅުން ނެތް ގާނޫނީ ވަކީލެއް ކަމަށްވާ ގޯހަރް ޚާން ކަމަށް އެ ޕާޓީގެ އޮފިޝަލަކު ވިދާޅުވި އެވެ.

ޕާކިސްތާނުގެ އިލެކްޝަންސް ކޮމިޝަނުން މިދިޔަ މަހު އިމްރާނުގެ ޕީޓީއައިއަށް އިންޒާރު ދީފައި ވަނީ، ޕާޓީގެ އޮފިސަރުންގެ އެތެރޭގެ ވޯޓެއް ނުބޭއްވިއްޖެ ނަމަ، އެ މީހުންގެ ނިޝާން – ކްރިކެޓް ބެޓެއް ގެއްލުމުގެ ބިރު އެބައޮތް ކަމަށެވެ.

ޕާކިސްތާނަށް 1992 ވަނަ އަހަރު ވޯލްޑް ކަޕް ކާމިޔާބުކޮށްދިން ކުރީގެ އިންޓަނޭޝަނަލް ކްރިކެޓް ކުޅުންތެރިއެއް ކަމަށްވާ އިމްރާން ޖަލުގައި ހުންނަވަނިކޮށް ޕާޓީގެ އިންތިހާބުގައި ވާދަކުރުން ވަނީ މަނާކޮށްފަ އެވެ. ޕީޓީއައިގެ މީޑިއާ ސްޕޯކްސްޕާސަން ސައީދު ޒުލްފިޤާރު ބުޚާރީ ވިދާޅުވީ މިއީ ވަގުތީ އިންތިޒާމެއް ކަމަށެވެ. ޕީ.ޓީ.އައި.އަށް ބޮޑެތި ގޮންޖެހުންތަކަކާ ކުރިމަތިލާން ޖެހިފައިވާއިރު، އެ ޕާޓީގެ އިސް ބޭފުޅުން ޖަލަށް ލާން ނުވަތަ ޕާޓީން ވަކިވާން މަޖުބޫރުވެފައި ވެ އެވެ.

ދެކުނު އޭޝިއާގެ ގިނަ ގައުމުތަކުގެ ސިޔާސީ ލީޑަރުންގެ މައްޗަށް ދައުވާކޮށް އެމީހުން ޖަލަށް ލުމަކީ، އެ ގައުމުގެ ތާރީޚުގެ ދެބައިކުޅަ އެއްބަޔަށް ވުރެ ގިނަ ދުވަހު ވެރިކަން ކޮށްފައިވާ އަދި ބޮޑެތި ބާރުތަކެއް ލިބިފައިވާ ބާރުގަދަ އަސްކަރިއްޔާއިން ހިންގާ ކަމެއް ކަމަށް އިންސާނީ ހައްގުތަކާ ބެހޭ މޮނިޓަރުން ބުނެއެވެ.

"ޕީޓީއައިގެ ސަޕޯޓަރުން ވޯޓު ދޭނީ އިންތިހާބީ ނިޝާނަށް، އިމްރާން ޚާނަށް،" ސިޔާސީ މަސްރަހު ދިރާސާ ކުރާ ހަސަން އަސްކަރީ ރިޒްވީ ހޮނިހިރު ދުވަހު އޭއެފްޕީއަށް ވިދާޅުވި އެވެ. އޭނާ (އިމްރާން) އަކީ ޕީޓީއައިގެ އަޚްލާގީ ލީޑަރެވެ. މީގެ އިތުރުން މިދިޔަ ހޮނިހިރު ދުވަހު އިމްރާންގެ މައްޗަށް އުފުލާފައިވާ ކޮރަޕްޝަންގެ މައްސަލައިގެ އަޑުއެހުމެއް ވެސް އޭނާ ބަންދުގައި ބަހައްޓާފައިވާ ޖަލުގެ އެތެރޭގެ ހާއްސަ ކޯޓެއްގައި ކުރިއަށް ގެންދިޔަ އިރު، އޭނާގެ ވަކީލުން ވަނީ ޝަރީއަތް ހުޅުވާލަން އެހެން ފަނޑިޔާރަކު އަންގަވާފައި ވީ ނަމަވެސް މީޑިއާ މަނާކޮށްފައިވާ ކަމަށް ބުނެ އިހުތިޖާޖުކޮށްފަ އެވެ.

އަމިއްލައަށް އަރުވަލެއްވުމަށްފަހު، މިދިޔަ އޮކްޓޫބަރު މަހު ސިޔާސީ މައިދާނަށް އެނބުރި ވަޑައިގެންނެވި، ތިން ފަހަރެއްގެ މަތިން ބޮޑުވަޒީރުކަން ކުރެއްވި ނަވާޒް ޝަރީފްގެ މައްޗަށް އިއްވި ކޮރަޕްޝަންގެ ހުކުމް ކޯޓުން އިއްޔެ ވަނީ ބާތިލްކޮށްފަ އެވެ. އަންނަ ފެބްރުއަރީ މަހު ބޭއްވުމަށް ހަމަޖެހިފައިވާ އިންތިހާބާ ދިމާކޮށް ޝަރީފްގެ ނަން ސާފުކުރަން ކުރި މަސައްކަތުގައި ކޮރަޕްޝަންގެ ގިނަ ކުށްތަކެއް އިސްތިއުނާފު ކުރައްވަމުން ގެންދަވާ ޝަރީފް މިހާރު ހުންނެވީ ކަފާލާތުގެ ދަށުން މިނިވަން ކޮށްފައެވެ.

އިމްރާން މަގާމުން ދުރުކުރި ކޯލިޝަންގައި ވެރިކަމަށް ވަޑައިގެންނެވީ އޭނާގެ ކޮއްކޯފުޅު ޝަހްބާޒް ޝަރީފެވެ.