އިނގިރޭސި ޕްރިމިޔަރ ލީގުގައި ރޭ އެންމެ ފަހުގެ ޗެމްޕިއަން މެންޗެސްޓަރ ސިޓީއާއި ލިވަޕޫލް ބައްދަލު ކުރި މެޗު އެއްވަރު ވެގެން ނިމިއްޖެއެވެ.
މެންޗެސްޓަރ ސިޓީގެ ދަނޑުގައި ކުޅުނު މި މެޗު އެއްވަރު ވެފައި ވަނީ 1-1 ގެ ނަތީޖާއަކުންނެވެ. ފޯރި ގަދަ ކުޅުމެށް ފެނިގެން ދިޔަ މި މެޗުގައި މެންޗެސްޓަރ ސިޓީއިން ވަނީ ގިނަ ވަގުތު ބޯޅަ ކޮންޓްރޯލުކޮށް ލިވަޕޫލުގެ ގޯލަށް ނުރައްކާތެރި ހަމަލާތަކެށް އަމާޒުކޮށްފައެވެ. އެގޮތުން ފުރަތަމަ ހާފުގައި ސިޓީއިން ވަނީ ގޯލާއި އަމާޒުކޮށް ހަތަރު ހަމަލާ ފޮނުވާލާފައެވެ. އެހެން ނަމަވެސް ލިވަޕޫލަށް ފޮނުވާ ލެވުނީ އެންމެ އަމަލާއެކެވެ.
މި ސީޒަނުގައި އެންމެ ފޯމުގައި ހުރި އެއް ކުޅުންތެރިޔާގެ ގޮތުގައި ފާހަގަ ކުރެވޭ ހާލަންޑުގެ ފަރާތުން މޮޅު ކުޅުމެށް މެޗުގައި ފެނިގެން ދިޔައިރު، ސިޓީއިން މެޗުގައި ޖެހި ހަމައެކަނި ގޯލު މެޗުގެ 27 ވަނަ މިނެޓުގައި ކާމިޔާބުކޮށްދިނީވެސް ހާލަންޑުއެވެ. މި ގޯލަށް ފަހުވެސް ސިޓީއިން ވަނީ ގޯލަށް ނުރައްކާ ކުރުމަށް ގިނަ ހަމަލާތަކެށް އަމާޒުކޮށްފައެވެ.
ދެވަނަ ހާފު ފަށައިގެން ލިވަޕޫލުން ވަނީ ކުޅުން ރަނގަޅު ސިޓީގެ ގޯލަށް ނުރައްކާތެރި ހަމަލާތަކެށް ފޮނުވާ ލާފައެވެ. އެގޮތުން ގޯލާއި އަމާޒުކޮށް ދެ ހަމަލާއެއް ފޮނުވާލި އިރު، ސިޓީއަށް ދެވަނަ ހާފުގައި ފޮނުވާލެވުނީ އެންމެ ހަމަލާއެކެވެ. ކުޅުން ރަނގަޅުކޮށް ހަމަލާތަށް އިތުރު ކުރަމުން ގޮސް ލިވަޕުލަށް ނަތީޖާ ހަމަހަމަކޮށްދިނީ މެޗުގެ 80 ވަނަ މިނެޓުގައި އެލެކްސެންޑާ-އާނޯލްޑެވެ. މިއީ މޯ ސަލާ ތަނަވަސް ކޮށްދިން ފުރުސަތެކެވެ.
މި ނަތީޖާއާއި އެކު ލިބުނު 29 ޕޮއިންޓާއި އެކު ސިޓީ ލީގުގެ އެއްވަނައިގައި އޮތް އިރު، 28 ޕޮއިންޓާއި އެކު ލިވަޕޫލުން އޮތީ ލީގުގެ ދެވަނަގައެވެ.
