ރާއްޖޭގެ ފޮރިން މިނިސްޓަރ އަބުދުﷲ ޝާހިދު އިންޑިއާގެ ސަފީރު މުނޫ މަހާވަރުއާއި ބައްދަލު ކުރައްވައިފިއެވެ.
އިންޑިއާ ސަފީރާއި އިއްޔެ ބައްދަލު ކުރެއްވުމަށްފަހު ކުރެއްވި ޓުވީޓުގައި ޝާހިދު ވިދާޅުވީ އިންޑިއާއިން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު މަނޫ މަހާވަރާއި މިއަދު ބައްދަލުކޮށް އިންޑިއާ އާއި ދިވެހިރާއްޖެއާ ދެމެދު އޮތް ގާތް ގުޅުމުގެ މައްޗަށް އަލިއަޅުވާލާފައި ވާކަމުގައެވެ.
އަދި އިންޑިޔާއިން ރާއްޖެއަށް ދެމުން ގެންދާ އެއްބާރުލުމާއި އެހީތެރިކަމާއި، ދެޤައުމުގެ ގުޅުން އިތުރަށް ބަދަހިކުރުމަށް ކުރާ މަސައްކަތްތަކަށް ވަރަށް އިޚްލާޞްތެރިކަމާއެކު ޝުކުރު އަދާކުރި ކަމަސްވެސް ޝާހިދު ވިދާޅުވެފައި ވެއެވެ.
ރައީސް އިބުރާހިމް މުހައްމަދު ސާލިހުގެ ވެރިކަމުގައި ރާއްޖެއިން ވަނީ އިންޑިއާއާ ގާތް ގުޅުމެއް ބާއްވާފައެވެ. އަދި އިންޑިއާއިންވަނީ ރާއްޖޭގައި ތަރައްގީގެ މަޝްރޫއުތައް ހިންގުމަށް ބޮޑެތި ދޫކޮށްފައެވެ.
ރިޔާސީ އިންތިޚާބުގައި ރައީސް ސާލިހަށް ނާކާމިޔާބު ވެވަޑައިގަތުމަށްފަހު، އިންތިޚާބީ ރައީސް ޑރ. މުއިއްޒު ވިދާޅުވެފައިވަނީ އިންޑިއާ ސިފައިން ރާއްޖެއިން ބާލާނެ ކަމަށާއި، އެހެންނަމަވެސް އިންޑިއާއަކީ ރާއްޖެއާއި ދެކޮޅު ގައުމަކަށް ވެގެން ނުދާނެކަމުގައެވެ.
މިމަހުގެ 19 ވަނަ ދުވަހު ޝާހިދުގެ ފޮރިން މިނިސްޓަރުކަމުގެ ދައުރު ހަމަވާނެއެވެ.
2 Responses
މިމަހުގެ 19ވަނަ ދުވަހާ ހަމައަށް ހުންނަންވީ ކީއްކުރަން! 17 ވަނަ ދުވަހު ހަވީރު ހުވައިކުރެއްވުމުގެކުރިން ތަންމަތި ހިފައިގެން ނައްޓާލަންވީ، ޤައުމު ބޮޑު ފިތުނައަކަށް ވައްޓާލާފަ ބެޗޭނެކަމަށް ހީނުކުރާތީ، މުޢިއްޒު ކިތަންމެ މައިތިރިކޮށް ވާހަކަދެއްކިޔަސް އެގޮތަށް މައިތިރިވެގެން ޖަރީމާތައް ނުބަލައި މިމީހުން މަތިބަރުކުރި އެންމެން ބައިތިއްބައިގެން ކުރިޔަށް ގެންދަން އުޅެފިއްޔާ މުޢިއްޒު ބޭރުކޮށްލާނީ، ރައްޔިތުން މަޑަކުން ނުތިބޭނެ، މިދިޔަ ފަސްއަހަރު މިމީހުން ކުޅުނު ނާޗަރަންގީގެ ދިލަހޫނު ރައްޔިތުންގެ ހިތްތަކުގައި ކެކިއަރައަރާ އެބަހުރި މިބުނީ ވަރަށްވާހަކަ، ވަރަށް ސަލާމް.
މި މީހުންގެ ސަބަބުން ގައުމްގެ ދަރަނި ބޮޑުވެ އިންޑިޔާ އާ އެކު ފެއްޓި އެއްވެސް ޕްރޮޖެކްޓެއް ނުނިމި އަތައް ގޮވީ!!! އިންޑިޔާއަށް ހުރިހާ ފައިދާ އެއް. ކޮންމެ ލޯނެއް ނަގާފަ ހުރީ %5 އަށް ވުރެ މަތީ އިންޓަރެސްޓް ގައި. މުޅިގައުމްގެ ކަނޑާއި، ވައިގެ ސަރަހައްދު ވިއްކާލީ ގައުމް ދެކެ އެއްވެސް ލޯތްބެއް ނެތީމަ. ޢެހެންވީމަ މުއިއްޒު ޖެހޭނެ އެކަންތައް ބަލަން !! އެކަމުގައި ޒިންމާވާ އެންމެން ޝަރީއަތުގެ ކުރި މައްޗަށް ވެސް ހާޒިރު ކުރަންޖެހޭނެ.