ތައިލެންޑުގެ ބެންކޮލްގައި ހުންނަ، ދިވެހިން އާންމުކޮށް ގޮސް އުޅޭ މޯލްއެއްގައި ދިން ބަޑީގެ ހަމަލާގައި ދިވެއްސަކަށް އަނިޔާވިތޯ ބެލުމުގެ މަސައްކަތް ކުރަމުންދާ ކަމުގައި ފޮރިން މިނިސްޓްރީން ބުނެފިއެވެ.
މިއަދު ބަޑީގެ ހަމަލާދިން މޯލްއަކީ ތައިލޭންޑުގެ ބެންކޮކްގައި ހުންނަ، ދިވެހިން ވަރަށް ގިނައިން ގޮސްއުޅޭ، ދިވެހިންނަށް ފަރިތަ މޯލްއެއް ކަމުގައިވާ ސިއަމް ޕެރެގަންއެވެ.
ފޮރިން މިނިސްޓްރީން ބުނެފައިވަނީ މި ހަމަލާއާއި ގުޅިގެން ބެންކޮކްގައި ތިބި ދިވެހީންގެ ހާލަތު ވަރަށް ގާތުން ބަލަމުންދާ ކަމަށާއި، މިހަލާގައި އެއްވެސް ދިވެއްސަކަށް އަނިޔާވިކަމުގެ މައުލޫމާތެއް އަދި ލިބިފައި ނުވާކަމުގައެވެ.
މިހާދިސާގައި އެއްވެސް ދިވެއްސަކަށް ގެއްލުމެއް ލިބިފައިވޭތޯ ބެންކޮކުގައި ހުންނަ ދިވެހިރާއްޖޭގެ އެމްބަސީ މެދުވެރިކޮށް ތައިލެންޑުގެ ކަމާބެހޭ ފަރާތްތަކާ ގުޅިގެން ގެންދަނީ ބަލަމުން. އަދި ހާދިސާ ހިނގި ވަގުތު އެއްވެސް ދިވެއްސަކު އެ މޯލްގައި ތިބިތޯ ވެސް ދަނީ ބަލަމުން.
ފޮރިން މިނިސްޓްރީން ބުނެފައި ވެއެވެ.
މިހަލާގައި އެއްވެސް ދިވެއްސަކަށް އަނިޔާވެފައިވާކަމުގެ އެއްވެސް މައުލުމާތެއް ލިބިއްޖެނަމަ ފޮރިން މިނިސްޓްރީގެ ހޮޓްލައިން 7983400އަށް ނުވަތަ ބެންކޮކުގައި ހުންނަ ރާއްޖޭގެ އެމްބަސީގެ ހޮޓްލައިން ނަމްބަރު 66611766502+ އަށް ގުޅުއްވުމަށްވެސް ފޮރިން މިނިސްޓްރީން ބުނެފައި ވެއެވެ.
ބޭރުގެ މީޑިއާތަކުން ރިޕޯޓު ކޮށްފައިވާ ގޮތުގައި މި މޯލްގައި ބަޑީގެ ހަމަލާ ދީފައިވަނީ 14 އަހަރުގެ ކުޑަ ކުއްޖެކެވެ. އެކުއްޖާ މިހާރުވަނީ ފުލުހުންގެ ބެލުމުގެ ދަށަށް ގެނެސްފައެވެ. މިހާދިސާގައި މިހާތަނަށް 3 މީހަކު މަރުވެ 5 މީހަކަށް ވަނީ އަނިޔާވެފައެވެ.
