މާދަމާ އޮންނަ ވޯޓުގަިއ ވާދަކުރައްވާ ދެބޭފުޅުންނަށް ބަލާއިރު އިލްމާ ގާބިލުކަމުގެ ގޮތުން ބަލި ކަމުގައި ވީނަމަވެސް ޑރ. މުއިއްޒައި ވާދަނުކުރެވޭނެ ކަމަށް ދީނީ އިލްމުވެރިޔާ ޝައިޚު ޢަލީ ޒައިދު ވިދާޅުވެއްޖެއެވެ.
ރިޔާސީ އިންތިޚާބުގެ ދެވަނަ ބުރުގެ ވޯޓުލުން މަދަމާ އޮންނަ އިރު ދީނީ ގިނަ އިލްމުވެރިނންގެ ތާއީދު އޮތީ ޑރ. މުއިއްޒަށެވެ. ޝައިޚު ޒައިދު ވިދާޅުވީ މާދަމާގެ ވޯޓަކީ ކުޅޭ ކުޅިވަރެއް ނޫންކަމަށެވެ. އަދި ސަމާސާއެއްވެސް ނޫންކަމަށެވެ. ރާއްޖޭގެ ވެރިޔަކު އިންތިޚާބު ކުރުމަށް ގެނޭ ވޯޓުގައި ރައްޔިތުން ބަލަންޖެހޭނީ އިލްމީ ގޮތުންނާއި ގާބިލް ކަމާއި ތަޖުރިބާގެ ގޮތުންވެސް މޮޅީ ކޮންބޭފުޅެއްތޯ ކަމަށެވެ. އެހުރިހާ ކަމަކަށް ބަލާއިރުވެސް ކުރީގައި އުޅުއްވަނީ ޑރ. މުއިއްޒު ކަމަށް ޒައިދު ވިދާޅުވިއެވެ.
މިއުޅެނީ ކުޅިވަރެއް ކުޅޭކަށް ނުވަތަ ސަމާސާއެއް ކުރާކަށެއްވެސް ނޫން! މިއުޅެނީ މިއިސްލާމީ ވަޠަންގެ ލަގަން ބޭފުޅަކާއި ޙަވާުކުރަން! ޢިލްމީ ގޮތުންވިޔަސް ޤާބިލްކަމުގެ ގޮތުންވިޔަސް ޑރ. މުއިއްޒަށް ވުރެ އެކަށީގެންވާ ކެނޑިޑޭޓެއް ނެތް!
– ޒައިދު ވިދާޅުވިއެވެ.
ރާއްޖޭގެ ދީނީ އިލްމުވެރިންގެ ތެރޭގައި ހިމެނޭ ގިނަ ދީނީ އިލްމުވެރިންގެ ތާއީދު ޑރ. މުއިއްޒަށް އޮތްއިރު މުއިއްޒު ވަނީ ރާއްޖޭގެ އިސްލާމީ ވަހުދަތާއި ދިވެހިންގެ މިނިވަންކަން ނަގަހައްޓާ ދޭނެ ކަމުގެ ޔަގީންކަން ދެއްވާފައެވެ.
