ޒުވާނުންގެ ތާއީދު އޮތީ ޑރ.މުއިއްޒަށްކަން ހާމަކޮށްދިނުމަށާއި، މުއިއްޒަށް ތާއީދު އިތުރު ކުރުމަށް ޒުވާނުން އިސްނަގައިގެން މިއަދު ހަވީރު މާލޭގައި ބޮޑު ސައިކަލު ބުރެއް ބޭއްވުމަށް ހަމަޖެހިއްޖެއެވެ.
މިއަދު ހަވީރު ބޮޑުތަކުރުފާނު މަގު ޕީޕީއެމް އޮފީސް ސަރަހައްދުން ފަށާ މިސައިކަލް ބުރަކީ ޕްރޮގްރެސިވް ކޮންގްރެސް ކޯލިޝަނާއި، ޒުވާނުން ގުޅިގެން މާލޭގައި ކުރިއަށް ގެންދާ ސައިކަލް ބުރެކެވެ. މިސައިކަލް ބުރުގައި ބައިވެރިވާން ބޭނުންވާ ވީހާވެސް ގިނަ ޒުވާނުންނަށް އެފުރުސަތު އޮންނާކެމަަށް އެކޯލިޝަނުން ބުނެއެވެ.
މިސައިކަލް ބުރުގައި މާލޭގެ ބޮޑެތި މަގުތަކުގައި މުއިއްޒުއަށް އޮތް ތާއީދު ދައްކާލައި ދުއްވުމަށް ވަނީ ހަމަޖެހިފައެވެ. މިއަދު މާލޭގައި ސައިލު ބުރެއް ބާއްވާއިރު އިއްޔެ ހަވީރު ހުޅުމާލޭގައި ވަނީ ބޮޑު ސައިކަލު ބުރެއް ބާއްވާފައެވެ. މިސައިކަލު ބުރަކީ މިހާތަނަށް މާލެ ސަރަހައްދުގައި މިހާ ގިނަ އަދެއްގެ ޒުވާނުން ބައިވެރިވެގެން ބޭއްވި ފުރަތަމަ ސައިކަލު ބުރެވެ. މިސައިކަލު ބުރުގައި އެތައް ސަތޭކަ ޒުވާނުން ބައިވެރިވިއިރު، މިސައިކަލު ބުރުގައި މުއިއްޒުގެ ރަނިންމޭޓް ހުސެއިން މުހައްމަދު ލަތީފް ބައިވެރިވިއެވެ.
ކުރިއަށް އޮތް ރިޔާސީ އިންތިހާބު ކާމިޔާބުކޮށް، ވެރިކަމަށް ވަޑައިގެންފި ނަމަ، ރާއްޖޭގެ ތިން ސަރަހައްދެއްގައި ބައިނަލްއަގުވާމީ ރޭސިން ޓްރެކަކާއި ޑްރިފްޓިން ސްޓޭޑިއަމެއް އަޅުއްވައި ދެއްވާނެ ކަމަށް އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒު ވަނީ ވިދާޅުވެފައެވެ.
