އިދިކޮޅު ޕްރޮގްރެސިވް ކޯލިޝަނުން މާލެ ސިޓީ ކައުންސިލްގެ މޭޔަރު ޑރ.މުހައްމަދު މުއިއްޒުއާއިމެދު ކަންތައް ކުރަމުންދަނީ ޢަދުއްވަކާއިމެދުވެސް ކަންތައް ނުކުރައްވާނެހާ ނިކަމެތިކޮށް ކަމުގައި ދީނީ އިލްމުވެރިޔާ ޝައިޚު ޢަލީ ޒައިދު ވިދާޅުވެއްޖެއެވެ.
ޝައިޚު ޒައިދު މިހެން ވިދާޅުވީ ސުޕްރީމް ކޯޓުން ބަލަމުންދާ ކުރީގެ ރައީސް ޔާމީންގެ ކެންޑިޑެސީގެ މައްސަލަ އެމަނިކުފާނާ ދެކޮޅަށް ނިމިއްޖެ ނަމަ ޕީޕީއެމްއިން އެހެން ކެންޑިޑޭޓަކު ނެރޭނެ ކަމަށާއި ޕީއެންސީގެ ކެންޑިޑޭޓަކީ ޕްލޭން ސީ ކަމަށް ޕީޕީއެމްގެ އިސްބޭފުޅުންނާއި، ރައީސް ޔާމީންގެ ދަރިކަލުން ޒޭން ވިދާޅުވެ ދައްކަވާފައިވާ ވާހަތަކާއި ގުޅިގެންނެވެ.
ރައީސް ޔާމީނަށް ވާދަނުކުރެވޭ ހާލަތުގައި އެހެން ބޭފުޅަކަށް ފުރުސަތު ދޭން ޔާމީން ސުޕްރީމްކޯޓުގައި އެދިވަޑައިގެންނެވިއިރު އެމަނިކުފާނަށް ވާދަނުކުރެވޭ ހާލަތުގައި ޕީއެންސީން ކެނޑިޑޭޓެއް ނެރެން ނިންމާ އެޕާޓީން ވަނީ ޑރ. މުހައްމަދު މުއިއްޒަށް ރިޔާސީ ކެނޑިޑޭޓްކަންވެސް ދީފައެވެ.
މުއިއްޒުއާއިއެކު އަދާލަތު ޕާޓީގައިވެސް މަސައްކަތް ކުރި ޝައިޚު ޒައިދު ވިދާޅުވީ ފެނިގެން ދަނީ މުއިއްޒުއާއިމެދު ވަރަށް އިހާނެތިކޮށް ކަންތައް ކުރާ މަންޒަރުކަމަށެވެ. މިއީ ރައްޔިތުންނަށް ލިބިގެންދާ ވަރަށް ރަނގަޅު ފިލާވަޅެއް ކަމަށް ޒައިދު ވިދާޅުވިއެވެ.
އަދުއްވަކާއިމެދުވެސް ކަންތައް ނުކުރާ ގޮތަކަށް ޕީޕީއެމްއަށް އެތައް ޚިދުމަތްތަކެއް ކޮށްދެއްވާފައިވާ ބޭފުޅަކަށް ޕީޕީއެމްއިން މިހާ ނިކަމެތިކޮށް ހިތުމަކީ ވަރަށް ދެރަވަރުގެ ކަމެއް! މީގެއިން ރައްޔިތުންނަށް ލިބިގެންދާނީ ވަރަށް ރަނގަޅު މެސެޖެއް!
– އަލީ ޒައިދު ވިދާޅުވިއެވެ.
ޒައިދު ވިދާޅުވީ މުއިއްޒުއަކީ ޕީޕީއެމްއަށް އެތައް ޚިދުމަތްތަކެއް ކުރައްވާފައިވާ ބޭފުޅަކަށްވާއިރު، މުއިއްޒުއާއިމެދު މިހާ ނިކަމެތިކޮށް ކަންތައް ކުރަން ކެރުމަކީ ޕީޕީއެމްއާއިމެދު ވިސްނަން ޖެހޭ ކަމެއްކަމަށެވެ.
ޕްލޭން ABC ކިޔުއްވާނެ ކަމެއް ނެތް! ޢާންމުންނަށް ފެންނަނީ ވަރަށް ބޭއަދަބީކޮށް ޑރ.މުޢިއްޒާއި މެދު ކަންތައް ކުރެވޭތަން! ހަމަ ސީދާ ގަންހިންގުވަން ކުރާ މަސައްކަތް މިހާރު ފެންނަމުން ދަނީ! ދަށް ކޮށްލުމުގައިވެސް ޙައްދެއް އޮންނަންވާނެ ކަމުގައި ދެކެން! ކީއްވެތޯ ޑރ.މުޢިއްޒާމެދު މިހާ ރަޙުމެއްނެތީ؟
– ޒައިދު ވިދާޅުވިއެވެ.
ޕީޕީއެމްއިން ޕްލޭން ބީއެއް ގެންގުޅުނު ނަމަވެސް މުއިއްޒު ވަނީ އިލެކްޝަނަށް ހުށަހަޅަންޖެހޭ ފޯމު ހުށަހެޅުމަށް ރަނިން މޭޓަކަށް ފަރެސްތޮޑާ ދާއިރާގެ މެމްބަރު ހުސެއިން މުހައްމަދު ލަތީފް ހަމަޖައްސަވާފައެވެ. އަދި މުއިއްޒު ވިދާޅުވެފައިވަނީ އުންމީދަކީ ރައީސް ޔާމީނަށް މިއިންތިޚާބުގައި ވާދަ ކުރެވުންކަމަށެވެ.
3 Responses
މީހުންދޭތެރެޖެއްސުމާ ފިތުނައުފެއްދުމަގާ.ހުރިނުބާކަންވެސްބޮޑަށްއެގޭނީ އިލްމުވެރިންނަށް އިލްމުލިބި ހިލްމު ުލި ޭމީހިންވެސްތި ޭ
ސަބަބަކީ ޔާމީނަށްވެސް އަދި ޕީޕީއެމްގެ ޔާމީނަށް އިޚްލާސްތެރި އެންމެންށްވެސް މިހާރު މުއިއްޒު ކިތަންމެ ވަރަކަށް ޔާމިން ޔާމީން ކިޔަސް އެއީ ޔާމިންގެ ރުހުން ނުލިބިހުރި ދެފުއް ދެގޮތް ބާޒެއްކަން އެނގެއެވެ. ބަލަންތިބޭށެވެ.
ޒައިދުމެންނަށް ހީވާނެ ތިމާމެން އުޅޭ ވައްތަރަށޭ ޕީޕީއެމުންވެސް އުޅޭނީ، މީހާއަށްވުރެ އަނގަބޮޑު ވެގެން ދުނިޔޭގާ ވާހާކަމަކާ ބެހި އުޅޭއިރު ތިމާގެ ހައިސިއްޔަތު އެނގޭތަ، ތިމާގެ ބޮލުގާއެޅިފާ އޮތް ޒިންމާ އަކީ އަބަދު އަބަދު ވަކި މީހަކާ ޖެއްސިގަނެގެން އުޅުންތޯ؟ ދީނީއިލްމުވެރީންނޭ ކިއައިގެން މި އުޅޭ އަދާލަތަށް ވުރެ ފިތުނަވެރި ފަސާދަވެރި ގޮތެއްފޮތެއްނެތިގެން އުޅޭ ބަޔަކު މި އުޑުދޮށުގާވެސް ލައްވާފަނުވާނެ، އިހަށް ތިމާމެން އަނގަ މައިތިރިކޮށްފަ ތިމާމެން އިސްލާހު ވޭބަލަ، ފިތުނައިގެ ބައިގަނޑަކަށް ނުވޭބަލަ! ލާދީނީ ލާއިންސާނީ ކަންކަމުން ދުރުހެލިވޭބަލަ! އެހެންމީހުންގެ ކުށް ހޯދުމުގެ ބަދަލުގާ ތިމާމެންގެ ކުށްތައް ހޯދާ އިސްލާހު ކޮށްބަލަ!
ތަރުބިއްޔަތެއް ނެތުމާއެކީ ތައުލީމަކީ ލިބެވޭ
ފަރުވާއެކީ އަދި ބޭހެކޭ ބައްޔަށް ލުޔެއް ނުލިބޭ.