ބޭންކް އޮފް މޯލްޑިވްސް މެދުވެރިކޮށް ބޭރަށް ފޮނުވާ ފައިސާ (ޓީޓީ) ޕްރޮސެސްކުރާ ވަގުތު އިތުރުކޮށްފިއެވެ.
ބީއެމްއެލުން މިއަދު ބުނީ އެ ބޭންކު މެދުވެރިކޮށް ފައިސާގެ ބައިނައްލަޤްވާމީ މުއާމަލާތްތައް ކުރާ ކަސްޓަމަރުންނަށް ދޭ ހިދުމަތްތައް އިތުރަށް ފުރިހަމަކުރުމަށް މަސައްކަތް ކުރަމުން އަންނަ ކަމަށެވެ. އެގޮތުން ބީއެމްއެލް މެދުވެރިކޮށް ހަދާ ޓީޓީ ޕްރޮސެސް ކުރާ ވަގުތު އިތުރުކުރަން ނިންމާފައިވާ ކަމަށެވެ.
މި ބަދަލާއެކު މިހާރު ކޮންމެ ދުވަހެއްގެ މެންދުރުފަހު 2:00 ގެ ކުރިން ހުށަހަޅާ ޓީޓީ އެޕްލިކޭޝަންތައް އެ ދުވަހަކު ޕްރޮސެސްކޮށްދޭނެއެވެ.
ބޭންކުން ބުނީ މި ބަދަލަށް މިއަދުން ފެށިގެން އަމަލުކުރަން ފަށާނެ ކަމަށާއި ބީއެމްއެލްގެ އިންޓަނެޓް ބޭންކިން އަދި މޮބައިލް ބޭންކިން ހިދުމަތް މެދުވެރިކޮށް ޓީޓީއަށް ހުށަހެޅޭނެ ކަމަށެވެ.
މީގެ އިތުރުން އެޕްލިކޭޝަން ހުށަހަޅާއިރު، ހުރިހާ ލިޔެކިޔުމެއް ހަމަކޮށް ހުށަހެޅުމަށް ބޭންކުން އިލްތިމާސްކުރެއެވެ.
