2020 ވަނަ އަހަރުގެ "ގޯލްޑަން ފުޓް" އެވޯޑް އިޓަލީގެ ޔުވެންޓަސްއަށް ކުޅެމުން އަންނަ ޕޯޗުގަލްގެ ކެޕްޓަން އަދި ދުނިޔޭގެ އެންމެ ކާމިޔާބު އެއް ކުޅުންތެރިޔާ ކްރިސްޓިއާނޯ ރޮނާލްޑޯ ހާސިލްކޮށްފިއެވެ.
މިއެވޯޑަކީ ހަމައެކަނި 28 އަހަރުން މަތީގެ ފުޓުބޯޅަ ކުޅުންތެރިންނަށް ދޭ އެވޯޑެކެވެ. އަދި މިއީ ކޮންމެ ކުޅުންތެރިއަކަށްވެސް ކެރިއަރުގައި އެއް ފަހަރު ހާސިލްކުރެވޭ ޝަރަފުވެރި އެވޯޑެކެވެ. މި އެވޯޑްގެ އެންމެ ފާހަގަކޮށްލެވޭ ކަމަކީ އެވޯޑް ހާސިލްކުރާ ކޮންމެ ކުޅުންތެރިއެއްގެ ފައިގެ ނިޝާން ރަންކުލައިގެ ޕްލޭޓަކަށް ޕްރިންޓް ކުރުމަށްފަހު ޗެމްޕިއަންސް ޕްރޮމިނޭޑްގައި ބެހެއްޓޭކަމެވެ.
މިއެވޯޑް ހާސިލްކޮށްފައިވާ ކުޅުންތެރިންގެ ތެރޭގައިި ދުނިޔޭގައި އުފެދުނު އެންމެ މޮޅު ފުޓުބޯޅަ ކުޅުންތެރިންވެސް ހިމެނެއެވެ.
އެވޯޑް ދޭން ފެށިތާ 18 އަހަރު ވެފައިވާއިރު 2003 ވަނަ އަހަރު އެންމެ ފުރަތަމަ މިއެވޯޑް ހާސިލްކުރީ އިޓަލީގެ ރޮބާޓޯ ބާގިއޯއެވެ. އަދި މިއެވޯޑް އެންމެ ފަހުން ހޯދާފައިވަނީ ރެއާލް މެޑްރިޑަށް ކުޅެމުން އަންނަ ކްރޮއޭޝިއާގެ މިޑްފީލްޑަރ އަދި ބެލަންޑޯ އެވޯޑްވެސް ހާސިލްކޮށްފައިވާ ލޫކާ މޮޑްރިޗެވެ.
ގޯލްޑަން ފުޓް އެވޯޑަކީ ފުޓުބޯޅަ ކުޅުންތެރިންގެ ތެރެއިން އެ އަހަރެއްގެ ތެރޭގައި ވަކި ކުޅުންތެރިއެއްގެ ގޮތުންވެސް، ޓީމެއްގެ ގޮތުގައި އެތްލެޓިކް ގޮތުން އަދި ޝަހްސިއްޔަތެއްގެ ގޮތުން އެންމެ ފާހަގަކޮށްލެވޭ ކުޅުންތެރިޔާއަށް، ދުނިޔޭގެ އެކި ކުޅިވަރު ނޫސްވެރިންގެ މެދުގައި ވޯޓުލައިގެން ދޭ ބައިނަލްއަގްވާމީ އެވޯޑެކެވެ.
