އިރުމަތީ އިންޑިއާގައި ދުއްވަމުންދިޔަ ދެ ރޭލެއް ދަގަޑުން ކައްސާލައި، ކާގޯއާއެކީ ދަތުރުކުރަމުންދިޔަ ރޭލަކާއި މުޑިއަރާ ހިނގި އެކްސިޑެންޓެއްގައި 233 މީހަކު މަރުވެއްޖެއެވެ.
ފާއިތުވި 10 އަހަރު ތެރޭވެސް އިންޑިއާގައި ހިނގި މިފަދަ އެންމެ ނުރައްކާތެރި މިއެކްސިޑެންޓް ހިގާފައިވަނީ، އޮޑިޝާ ސްޓޭގެ ބަލަސޯރު ޑިސްޓްރިކްޓްގައެވެ. އޮފިޝަލުން ވިދާޅުވާ ގޮތުގައި އެކްސިޑެންޓުގައި 900 މީހުންނަށް ވަނީ އަނިޔާ ވެފައެވެ.
އޮޑިޝާ ސްޓޭގެ ސިވިލްސާވިސްގެ އެންމެ އިސްވެރިޔާ ޕްރަދީޕް ޖެނާ ވިދާޅުވެފައިވާ ގޮތުގައި މަރުވި މީހުންގެ އަދަދު އަދިވެސް މައްޗަށް ދިއުމަކީ އެކަށިގެންވާ ކަމެކެވެ.
އެކްސިޑެންޓް ހިނގި ސަރަހައްދަށް މީހުން އުފުލުމަށް ބޭނުންވާ 200 އެމްބިއުލާންސް ފޮނުވާފައިވާއިރު، އެންމެ ފުރަތަަމަ ސަރަހައްދަށް ފޮނުވި 80 ޑޮކްޓަރުންގެ އިތުރަށް 100 ޑޮކްޓަރުންމިހާރު ވަނީ ފޮނުވާފައެވެ.
އެކްސިޑެންޓަށްފަހު އާންމުވެފައިވަ ވީޑިއޯތަކުން ފެންނަ ގޮތުގައި އެކްސިޑެންޓްވެ ހަލާކުވެފައިވާ ރޭލުގެ ބައިތަކުގެ މައްޗަށް މީހުން ސަލާމަތްކުރުމަށް މަސައްކަތް ކުރަމުންދާ މަންޒަރު ވަނީ ފެނިފައެވެ.
މި އެކްސިޑެންޓް ހިނގާފައިވަނީ ހުކުރުދުވަހު އިންޑިއާގެ ގަޑިން އިރުއޮއްސި 7 ޖަހާކަންހާއިރު އެވެ. އެކްސިޑެންޓުގައި މުޑި އަރާފައިވަނީ، ބެންގަލޫރުން ވެސްޓް ބެންގާލްގެ ހޯރާއަށް ދަތުރު ކުރަމުންދިޔަ ހޯރާ ސުޕަރފާސްޓް އެކްސްޕްރެސް، ކަލްކަތާއިން ޗެންނާއިއަށް ދަތުރު ކުރަމުންދިޔަ ކޮރޯމާންޑެލް އެކްސްޕްރެސްއާއި މުޑި އަރައިގެންނެވެ.
ދެ ރޭލުގެ ތެރެއިން ފުރަތަމަ ދަގަނޑު ނައްޓައިގެން ދިޔައީ ކޮން ރެއްތޯކަމާއު ގުޅޭގޮތުން އިފިޝަލުން މިހާތަނަށް ހާމަކޮށްފައިހުރީ ފުށުއަރާ މައުލޫމާތު ތަކެވެ.
މިހުން ސަލާމަތްކުތާ ފަރާތަކުންވަނީ އެކްސިޑެންޓުގައި އަނިޔާވި މީހުން ސަލާމަތް ކުރުމަށް ޚާއްސަ އޮޕަރޭޝަނެއް ލޯންޗު ކޮށްފައެވެ.
