މާލެއިން ފުރައިގެން 15 މީހުންނާއެކު ރ. މަޑުއްވަރި އަށް ދަތުރުކުރަމުން ދިޔަ މުދާ އުފުލާ ބޯޓެއް އަޑިއަށް ގޮސްފިއެވެ.
"މަޑުއްވަރީ މަސްވެރިން" ފޭސްބުކް ޕޭޖަކުން ކޮށްފައިވާ ޕޯސްޓެއްގައި ބުނެފައިވަނީ "އާލާ" ބޯޓަށް ދިޔަވާން ފެށީ ބޯޓުގެ ފަހަތުން ރާޅެއް އަރައިގެން ކަމަށެވެ.
އެމްއެންޑީއެފުން ބުނީ އެ ބޯޓު މިހާރު އަޑިއަށް ގޮސްފައިވާ ކަމަށެވެ. އެމްއެންޑީއެފްއިން ހިއްސާކުރި ފޮޓޯއިން ފެންނަ ގޮތުގައި ފެނުން މައްޗަށް ފެންނަން ހުރީ ދިރުނބާކޮޅުގެ ކުޑަ ތަންކޮޅެކެވެ.
މާލެއިން ފުރައިގެން 15 މީހުނާއެކު ރ.އަތޮޅަށް ދަތުރުކުރަމުންދިޔަ "އާލާ" ނަމަކަށް ކިޔާ ބޯޓަކަށް ދިޔަވަމުން ދާތީ އެމްއެންޑީއެފް ކޯސްޓްގާޑުން އެހީތެރިކަން ފޯރުކޮށްދޭން ފަށައިފި.https://t.co/sBlsqHOwmg pic.twitter.com/258rWJPrjZ
— Maldives National Defence Force (@MNDF_Official) June 1, 2023
އެ ބޯޓުގައި ހަރުކޮށްފައިވާ ޓްރެކިން ސިސްޓަމުން ދައްކާ ގޮތުން ބޯޓު މިވަގުތު އޮތީ ބ. އޭދަފުށީގެ އިރުން ހަތަރު ވަރަކަށް މޭލު ބޭރުގަ އެވެ. ބެލެވޭ ގޮތުގައި ރާޅުއެރިއިރު ބޯޓު ދަތުރުކުރަމުންދިޔައީ ކާށިދޫ ކަނޑު ހުރަސްކޮށް ބ. އަތޮޅަށް ވަނުމަށެވެ. ބޯޓުގައި ތިބި މީހުން އެމްއެންޑީއެފްގެ އެހީގައި ވަނީ އޭދަފުއްޓަށް ގެންގޮސްފައެވެ.
