"ވަނާޖުބޭސާ" ފިލްމުގެ އިތުރު ދެ ޝޯވ އެއް މި އަންނަ މަހުގައި އޮލިމްޕަހުގައި އަޅުވާގޮތަށް ނިންމައި އެކަން އިއުލާން ކޮށްފިއެވެ.
މި ފިލްމް ގެ އިތުރު ދެ ޝޯވ ބޭއްވުމަށް ހަމަޖެހިފައިވަނީ އަންނަ މަހުގެ 3 އަދި 4 ވަނަ ދުވަހުގައި އޮލިމްޕަހުގައިއެވެ. މީ މި ފިލްމް ބެލުމަށް ބޭނުން ވާ ފަރާތްތަކަށް މީ ރަނގަޅު ފުރުސަތެކެވެ.
މި ފިލްމް އޮލިމްޕަހުގައި ޕްރިމިއާކުރީ މިދިޔަ މަހުގެ 25 ވަނަ ދުވަހު އެވެ. އަލަށް ފީޗާ ފިލްމެއް ގެނެސްދޭ ޑައިރެކްޓަރު ޓްވިޝާލް ޒަކީ ހަދާފައިވާ މި ފިލްމުގެ ކާސްޓަކީވެސް މި ދާއިރާއަށް މުޅިން އަލަށް ނިކުންނަ ކާސްޓެކެވެ.
"ވަނާޖުބޭސާ" އަކީ ވަރަށް ގިނަ ޓީވީ އިޝްތިހާރުތަކުން ވެސް ފެނިފައިވާ މަޝްހޫރު ކޮމީޑިއަން އަދި ކާއްޓޭ ޑިވާންޝޯގެ ނަމުން މަޝްހޫރު ނަޒީރު ޝިހާމާއި ކޮމީޑިއަން ހުސައިން ސާދު (މަޓޭ) މައިގަނޑު ރޯލުތައް ކުޅެފައިވާ އެއްޗެކެވެ. މީގެ ކާސްޓްގައި މުހައްމަދު ސައީދުގެ އިތުރުން އައިޝަތު ރިޝްމާ، އަހުމަދު ޝަކީބު، އައިޝަތު ޝިރާނީ، ޖަލްވާން މުހައްމަދު އަދި ހަދީޖާ އަލީ ހިމެނެ އެވެ.
"ވަނާޖުބޭސާ" އަކީ ވިޝާލް އާއި ކާއްޓޭގެ ސްކްރީންޕްލޭއަކަށް ހަދާފައިވާ އެއްޗެކެވެ.
