ޒުވާން ހުނަރުވެރި ދެ ތަރިން ލީޑުން ފެނގެންދާ ފިލްމް "މިސްޓަ އެންޑް މިސިޒް މާހީ" ގެ ޝޫޓިން ނިންމާލއިފި އެވެ.
ބަތަލާ ޖާންވީ ކަޕޫރު އާއި އެކު ދެވަނަަ ފަހަރަށް ސްކަރީން އިން ހުންރުވެރި އެކްތަރު ރާޖްކުމާރު ރާއޯ ފެނިގެންދާ މި ފިލްމް ގެ ޝޫޓިން ނިމުން ކަން ސޯޝަލް މީޑިއާގައި ވަނީ އިއުލާން ކޯށްފައިއެވެ.
ފިލްމު ޕްރޮޑިއުސްކުރާ ކަރަން ޖޯހަރްގެ ދަރުމާ ޕްރޮޑަކްޝަނުން ވެސް އިއްޔެ ވަނީ ފިލްމުގެ ޝޫޓިން ނިންމާލިކަން ސޯޝަލް މީޑިއާގައި އިއުލާންކޮށްފަ އެވެ.
View this post on Instagram
ޖާންވީ އާއި ރާޖް ވެސް ކްރިކެޓް ކުޅުންތެރިންތަކެއްގެ ގޮތުގައި ފެންނާނެ "މިސްޓަ އެންޑް މިސިޒް މާހީ" އަކީ ޖާންވީގެ 2020 ގެ ފިލްމު "ގުންޖަން ސަކްސޭނާ: ދަ ކަރްގިލް ގާލް" ގެ ޑައިރެކްޓަރު ޝަރަން ޝަރުމާގެ ފިލްމެކެވެ. އަދި މިއީ އޭނަގެ ދެވަނަ ޑައިރެކްޝަނެވެ.
"މިސްޓަ އެންޑް މިސިޒް މާހީ" އަކީ ޖާންވީ އާއި ރާޖް އެކީގައި ކުޅޭ ދެވަނަ ފިލްމެވެ. ދެ ތަރިން އެކީގައި ކުޅުނު ފުރަތަމަ ފިލްމަކީ މި އަހަރުގެ މާޗްގައި ރިލީޒްކުރި ހޮރޯ-ކޮމެޑީ "ރޫހީ" އެވެ.
