ރައްޔިތުންގެ މަޖިލީހުގެ ރިޔާސަތުގައި އިންނަވަނިކޮށް ރާއްޖޭގެ ސަރަހައްދުން އެންމެ ތަންފުކެއްވެސް ގެއްލުނަ ނުދޭނެކަމުގައި މަޖިލިސް ރައީސް މުހައްމަދު ނަޝީދު ވިދާޅުވެއްޖެއެވެ.
ރާއްޖެ އާއި މޮރިޝަސްއާ ދެމެދު ކަނޑުގެ ސަރަޙައްދު ފުށުއަރާ މައްސަލައިގައި ރައްޔިތުންގެ މަޖިލީހަށް މަޑުއްވަރީ ދާއިރާގެ މެމްބަރު އާދަމް ޝަރީފް ހުށަހެޅުއްވި ކުއްލި މައްސަލާގައި މެމްބަރުންގެ މެދުގައި ވަނީ ހޫނު ބަހުސެއް ކުރައްވާފައެވެ. އާދަމް ޝަރީފް ހުށައެޅުއްވި ކުއްލި މައްސަލަ މަޖިލީހަށް ބަލައިގަނެ ބަހުސް ކުރުމަށް ފާސްވީ ވޯޓުގައި ބައިވެރިވެވަޑައިގެންނެވި 23 މެމްބަރުންގެ ވޯޓުންނެވެ.
މިބަހުސްގެ ތެރެއިން މަރަދޫ ދާއިރާގެ މެމްބަރު އާދަމް ޝަރީފް ދެއްކެވި ވާހަކާގައި ވިދާޅުވީ ބައިނަލްއަޤްވާމީ ކޯޓުތަކުން ނިންމާ ނިންމުމަކަށް ދިވެހި ސަރުކާރަކަށް ނުވަދެވޭނެކަމަށެވެ. އަދި މިއަދު ސަރުކާރުން މިކަމުގައި އަމަލު ކުރަމުންދަނީ އިންސާފުންކަމަށެވެ.
ޝަރީފްގެ ވާހަކަތަކަށް ރައްދު ދެއްވަމުން މަޖިލިސް ރައީސް ވިދާޅުވީ ދިވެހި ރާއްޖޭގެ ސަރަހައްދު ކަނޑައަޅާނީ ރައްޔިތުންގެ މަޖިލީހުން ކަމަށެވެ. ދުނިޔޭގެ ކޮންމެ ތާކުން ކޮންމެ ނިންމުމެއް ނިންމި ނަމަވެސް ސަރަހައްދު ކުޑަކުރަން މިމަޖިލީހުން ހިންގަންޖެހޭ އިޖުރާއަތުތައް މިމަޖިލީހުގެ މެމްބަރުން އެދިވަޑައިގެން، ދޫކޮށްލައްވަން ނުފެންނަނަމަ އެޖާގަ ނުދޭނެކަމަށެވެ.
އަޅުގަނޑު ރާއްޖޭގެ ހުރިހާ ރައްޔިތުންނަށް ޔަގީންކޮށް އަރުވަން ބޭނުން ދިވެހިރާއްޖޭގެ ސަރަހައްދުން އެއްވެސް ބައެއް އުނިވިޔަކަ މިމަޖިލީހުންނެއް ނުދޭނަން. ޤާނޫނު އަސާސީ ބުނަނީ މިމަޖިލީހުން އެކަން ކުރުމަށް. އަދި ސަރުކާރުން ކޮންމެ ބަޔަކާއި އެއްބަސް ވިޔަސްވެސް އަދި ކޮންމެ ކޯޓަކުން ކޮންމެ ތަނަކުން ކޮންމެ ގޮތަކަށް ކޮންމެ ކަމެއް ނިންމި ކަމުގައ ވީނަމަވެސް އަޅުގަނޑު ދަންނަވާނީ ސަރަހައްދު ކުޑަކުރަން މިމަޖިލީހުން ހިންގަންޖެހޭ އިޖުރާއަތުތައް މިމަޖިލީހުގެ މެމްބަރުން އެދިވަޑައިގެން، ދޫކޮށްލައްވަން ފެނިވަޑައިގަތީމައޭ ދޫކޮށްލެވޭނީ. އޭގެ ކުރިއަކު އިރާދަކުރެއްވިއްޔާ އަޅުގަނޑު މިތާ އިންދަކާ މިދިވެހި ރާއްޖޭގެ ސަރަހައްދުން އެންމެ ތަންފުކެއްވެސް ގެއްލުނަ ނުދޭނަން.
– ރައީސް ނަޝީދު ވިދާޅުވިއެވެ.
ޗާގޮސްގެ މައްޗަށް މޮރިޝަސްގެ ސިޔާދަތީ ބާރު އޮތް ކަމަށް އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ) އިން 2019 ވަނަ އަހަރު މެއިމަހު ނިންމި އިރުވެސް އެ ނިންމުން ތަންފީޒުކުރަން ނުފެންނަ ކަމަށް އދ. ގައި ބުނި ހަ ގައުމުގެ ތެރޭގައި ރާއްޖެ ހިމެނެއެވެ. މިހާރު ރާއްޖެއިން މޮރިޝަސްއާ އެއްކޮޅަށް ވޯޓު ލިޔަސް ނުލިޔަސް އެ ކަމުގައި މޮރިޝަސްއަށް ވާނެ ގެއްލުމެއް އަދި ފައިދާއެއް ވެސް ނެތްކަން ސަރުކާރުން ވަނީ ހާމަކުރައްވާފައެވެ.
2 Responses
ތިޔަގޮތަށްބިންނަފެންނެތްކާށިތިޔަކަހަލައަމިއްލައެދުމަށްމަސައްކަތްކުރާމީހުންބިނދެއުޅޭ ދުނިޔޭގައިތިބިބައަކައްލަހެއްނުވެތިޔަބިންނަފެންނެތްކާށީގެހަޤީގަތްފެންނާނެއެވެ
މި ކަލޭގެއަށް މިކަމާ ކުރެވޭނީ ކީއްބާ. ގަދަބަސް ބުނުމަކުން އަދި ނުފުދޭނެ. އެންމެން ވެގެން އިންޑިއާ އެންގި ގޮތަށް ކަންކޮށްފައި މިހާރު މި ގަދަބަސް ބުނަނީ އޮޅުވާލާނަމޭހިތާ.