ޖުމްހޫރީ ޕާޓީ އާއި މަޝްވަރާކުރަން އެމްޓީޑީގެ ފަރާތުން ޕާޓީގެ ސީނިއަރ ކައުންސިލް މެންބަރު އަބްދުލް ރަޝީދު ނާފިޒް ލީޑް ކުރާގޮތަށް، ސެކްރެޓަރީ ޖެނެރަލް އަހުމަދު އަޝްރަފް އަދި ލީގަލް އެޑްވައިޒަރު އަލް އުސްތާޒު މުހައްމަދު ހަލީމް މިއަދު ހަމަޖައްސައިފީމެވެ. އެމްއެންޕީން ކުރި ޓުވީޓުގައިި ބުނެފައިވެއެވެ.
ކުރިޔަށް އޮތް ރިޔާސީ އިންތިޚާބުގައި އެއް ކޯލިޝަނެއްގައި މަސައްކަތް ކުރުމަށް ޖުމުހޫރީ ޕާޓީން ދިން ދައުވަތާއި ގުޅިގެން ކުރީގެ ނާއިބު ރައީސް އަހުމަދު އަދީބު ރައީސްކަން ކުރައްވާ ތާރޑްވޭ ޑިމޮކްރަޓިކް ޕާޓީ (އެމްޓީޑީ) މަޝްވަރާކުރާނެ ބޭފުޅުން ކަނޑައަޅައިފިއެވެ.
ޖުމްހޫރީ ޕާޓީން ވަނީ ރިޔާސީ އިންތިޚާބުގައި ކޯލިޝަނެއްގެ ތެރެއިން މަސައްކަތް ކުރުމަށް އެމްޓީޑީއަށްވެސް ދައުވަތު ދީފައެވެ. މިދައުވަތު ގަބޫލުކޮށް އެޕާޓީން ވަނީ ޖުމްހޫރީ ޕާޓީއާއި މަޝްވަރާ ކުރާނެ ބޭފުޅުން ކަނޑައަޅާފައެވެ. މަޝްވަރާކުރަން އެމްޓީޑީގެ ފަރާތުން ކަނޑައަޅާފައިވަނީ އެޕާޓީގެ ސީނިއަރ ކައުންސިލް މެންބަރު އަބްދުލް ރަޝީދު ނާފިޒް ލީޑް ކުރާގޮތަށް، ސެކްރެޓަރީ ޖެނެރަލް އަހުމަދު އަޝްރަފް އަދި ލީގަލް އެޑްވައިޒަރު އަލް އުސްތާޒު މުހައްމަދު ހަލީމް އެެވެ.
ޖޭޕީން ރިޔާސީ އިންތިޚާބުގައި ވާދަކުރުމަށް ނިންމާ، ކޯލިޝަން ހެދުމަށް ޕާޓީތަކަށް ދައުވަތު ފޮނުވަމުން ގެންދާއިރު ރައީސް ސާލިހު މިހާރުވަނީ އަދާލަތު ޕާޓީގެ އިތުރުން އެމްޑީއޭއާއެކު ކޯލިޝަން ހަދާފައެވެ. އަދި ރައީސް ސާލިހުވަނީ އެމްއާރުއެމްއާއެކުވެސް މަޝްވަރާ ކުރައްވާފައެވެ.
ކުރިޔަށް އޮތް ރިޔާސީ އިންތިޚާބަށް ޖޭޕީއާއެކު ކޯލިޝަން ހަދާފައިވާ އެމްޑީޕީގެ ރައީސް މުހައްމަދު ނަޝީދަކީ އެމްއެމްޕީއާރުސީގެ ޚިޔާނާތުގެ ތުހުމަތު ކުރެވޭ ފަރާތްތަކުގެ މައްސަލަތައް އަވަސްކުރުމަށް އެންމެ ބޮޑަށް ވަކާލާތު ކުރައްވަމުން ގެންދަވާ އެއް ފަރާތްކަން ފާހަގަ ކޮށްލެވެއެވެ. އެހެންނަމަވެސް، ބޮޑު ޚިޔާނާތުގެ ތުހުމަތު ކުރެވޭ ގިނަބަޔަކު މިހާރުތިބީ، 2023ގެ ރިޔާސީ އިންތިޚާބަށް ނަޝީދު އިސްކޮށް ހުންނަވާ ހަދާފައިވާ ކޯލިޝަންގައި، ނަޝީދާއެކީކަން ފާހަގަ ކޮށްލެވެއެވެ.
އެމްއެމްޕީއާރުސީގެ ޚިޔާނާތުގެ ކުށް ސާބިތުވެ ކުރީގެ ނާއިބު ރައީސް އަދީބު ގެންދަވަނީ ދިގު މުއްދަތުގެ ޖަލުހުކުމެއް ތަންފީޒު ކުރައްވަމުންނެވެ. އެހެންނަަމަވެސް އަދީބު ހުންނަވަނީ ގޭގައެވެ.
One Response
އަދީބު ޕާރޓިއިން ގާސިމާއި ގުޅުން ވަރަށް މުހިންމެވެ. އޭރުން ހަމަ ޔަގީނުންވެސް ޕީޕީއެމާއި ބައިވެރިވާނެ އެއްބަޔަކުވެސް ނުތިބޭނެއެވެ. ދެންތިބި ކޮންމެ ބަޔަކު ވެރިކަމަށް އަޔަސް ދިވެހިން ޔާމީންގެ އަނިޔާވެރިކަމުން ސަލާމަތްވާނެއެވެ.