އެމްޑީޕީގެ ހުޅުދޫ ދާއިރާގެ ރައީސް ސާމިއު އަންވަރު ޓޫރިޒަމް މިނިސްޓްރީގެ ނައިބަކަށް އައްޔަންކޮށްފިއެވެ. ސާމިއު އެ މަގާމަށް އައްޔަނުކުރީ މިދިޔަ ހަފްތާގައެވެ.
ސާމިއު އައްޔަނުކުރި މަގާމަކީ މުސާރައާއި އިނާޔަތްތަކުގެ ގޮތުގައި 30،240ރ. ލިބޭ މަގާމެކެވެ. މިހާރުވެސް ޓޫރިޒަމް މިނިސްޓްރީގައި ގިނަ އަދަދެއްގެ ސިޔާސީ މަޤާމުތައް ފުރުއްވާ ބޭފުޅުން އެބަތިއްބެވެ.
ޓޫރިޒަމް މިނިސްޓަރަކީ ސަރުކާރު ހިންގާ ޖުމްހޫރޫ ޕާޓީއަސް ނިސްބަތްވާ ޑރ.މައުސޫމެވެ.
އޭނާ އެ މަގާމަށް އައްޔަނު ކުރި އިރު ސިޔާސީ މަގާމުތައް މި ސަރުކާރުގައި ވަނީ އިންތިހާއަށް އިތުރުވެފައެވެ. އޭގެ އިތުުރުން ކޮންމެހެން މުހިންމު މަގާމުތަކަށް ނޫނީ މީހުން ނުނެގުމަށް ފިނޭންސް މިނިސްޓްރީން ވަރަށް ފަހުން ވެސް އިލްތިމާސްކޮށްފައެވެ.
