ދެވަނަ ލެގު ލަނޑެއް ނުޖެހި އެއްވަރުވެ, ޗެމްޕިއަންސް ލީގު ކްއާޓާ ފައިނަލުން އިންޓަރ މިލާނަށް ޖާގަ ކަށަވަރުވެއްޖެއެވެ.
ގަދަ ސޯޅަ ޓީމް ވާދަކުރި ބުރުގެ ދެވަނަ ލެގުގައި ޕޯޓޯއާ ވާދަކޮށް, ޕޯޓޯގެ ދަނޑުގައި ލަނޑެއް ނުޖެހި އެއްވަރުވުމުން އިންޓަރ މިލާނަށް ކުރިި ލިބުނީ 1-0 ގެ އެގްރިގޭޓުންނެވެ. އެއީ ފުރަތަމަ ލެގު 1-0 ން އިންޓަރ މިލާން އަމިއްލަ ދަނޑުގައި ކުރި ހޯދާފައިވާތީއެވެ. މިއީ 2011 ވަނަ އަހަރުގެ ފަހުން އިންޓަރ މިލާން މުބާރާތުގެ ކުއާޓާ ފައިނަލަށް ދަތުރުކުރި ފުރަތަމަ ފަހަރެވެ. މެޗުގައި ކޮޅަށް ގޯލަށް ނުވަދެ އިންޓަރ މިލާން ސަލާމަތްވުމުގައި ކެމަރޫންގެ ކީޕަރު އޮނާނާ މުހިއްމު ދައުރެއް އަދާކުރިއެވެ. އޭނާ ވަނީ މެޗުގައި ރަނގަޅު ސޭވްތަކެއް ކޮށްފައެވެ.
ޕޯޓޯއިން މެޗު ނިންމާލަން ޖެހުނީ ޕޯޗްގަލްގެ ޑިފެންޑަރ ޕެޕޭއަށް ދެއްކި ރަތްކާޑާއެކުއެވެ. ކާޑާ ރަށްޓެހި 40 އަހަރުގެ ޑިފެންޑަރަށް ދެވަނަ ރީނދޫ ކާޑާއެކު ރަތްކާޑް ދެއްކީ މެޗުގެ އިތުރު ވަގުތުގައެވެ.
ލީގުގައި ފޯމު ދަށްވެފައި އޮތް އިންޓަ، ޗެމްޕިއަންސް ލީގުގައި ރަނގަޅަށް މަގާމަކަށް ދިއުމާ އެކު ކޯޗު ސިމޯނީ އިންޒާގީގެ މަގާމުގެ ޔަގީންކަން މިވަގުތަށް ވަނީ ލިބިފައެވެ. ޗެމްޕިއަންސް ލީގުގެ ކުއާޓާގެ ޖާގަތައް މިހާތަނަށް ހޯދާފައިވަނީ ސިޓީ އާއި އިންޓަގެ އިތުރުން އިންގްލެންޑުގެ ޗެލްސީ އާއި ޖަރުމަނުގެ ބަޔާން މިއުނިކާއި ޕޯޗުގަލްގެ ބެންފީކާ އަދި އިޓަލީގެ އޭސީ މިލާނެވެ.
