ސައުދީ އަރަބިއްޔާގެ މަޝްހޫރު ބަޖެޓް އެއާލައިންއެއް ކަމަށްވާ ފްލައިނާސްއިން ރާއްޖެއަށް ވައިގެ ދަތުރުތައް ފެށުމަށް ނިންމައިފިއެވެ.
ފްލައިނާސްއިން 2023 ވަނަ އަހަރު އަލަށް ދަތުރުތައް ފެށުމަށް 10 މަންޒިލެއް ވަނީ ކަނޑައަޅާފައެވެ. އޭގެ ތެރޭގައި ހިމެނެނީ އޭޝިއާއި އަދި ޔޫރަޕް ހިމެނޭގޮތުން 4 މަންޒިލަކާއި 6 ރޫޓެކެވެ.
މިގޮތުން މި އެއަރލައިން ދަތުރުތައް ފެށުމަށް ހަމަޖެއްސި އާ 4 މަންޒިލަކީ، ދިވެހިރާއްޖެއާއި، އަރްމީނިއާގެ ވެރިރަށް ޔެރެވާންއާއި، ތުރުކީގެ ސިޓީއެއް ކަމަށްވާ އަންޓަލިއާގެ އިތުރުން މޮންޓެނީގްރޯގެ ސިޓީއެއް ކަމަށްވާ ޓިވަޓްއެވެ.
މީގެ އިތުރުން މި އެއަރލައިނުން އަލަށް ބޭނުން ކުރުމަށް ހަމަޖެހިފައިވާ 6 ރޫޓަކީ ސައޫދީގެ ސިޓީއެއް ކަމަށްވާ ދަމާމް އިން އޮމާންގެ ސިޓީއެއް ކަމަށްވާ ސަލާލާއަށް ދަތުރުކުރާ ހަތަރު ރޫޓާއި، ތުރުކީގެ އިސްތަންބޫލާއި ޓްރަބްޒޯން ސިޓީއަށް ދަތުރުކުރާ ރޫޓުގެ އިތުރުން އަލްބޭނިއާގެ ވެރިރަށް ޓިރާނާ އަށް ދަތުރުކުރާ ރޫޓެވެ.
ފްލައިނާސްއިން ހާމަ ކޮށްފައިވާ ގޮތުގައި މި ރޫޓުތަކުގެ އިތުރުން ކުރިޔަށް އޮތް ތަނުގައި، ސައުދީ އަރަބިއާގެ ޖިއްދާއިން ތުރުކީގެ ސަލާލާއާއި ބޮޑްރަމް ސިޓީއަށް ދަތުރުތައް ކޮށް އިތުރު ދެ ރޫޓެއްގައި އެއަރލައިނުން އޮޕަރޭޓް ކުރާން ފަށާނެއެވެ.
ފްލައިނާސްއިން ހާމަ ކޮށްފައިވާ ގޮތުގައި އެ އެއަރލަންގެ މަގުސަދަކީ، 2030 އަންނަންވާއިރަށް އަހަރަކު 330 މިލިއަން ފަސިންޖަރުންނަށް ޚިދުމަތް ދީ، އެއަރލައިނުން އޮޕަރޭޓްކުރާ ބައިނަލްއަގުވާމީ މަންޒިލްތަކުގެ އަދަދު 250 އިތުރުކޮށް، އޭގެ އިތުރުން 100 މިލިއަން ފަތުރުވެރިންނަށް ޚިދުމަތް ދިނުމެވެ.
