ދީނީ ކަންކަމުގައި ސޯޝަލް މީޑިއާގައި ޚިޔާލު ފާޅުކޮށް، ދީނީ ކަންކަމާއި ގުޅޭގޮތުން ރައްދު ދެއްވުމުގައިވެސް ވަރަށް ހަރަކާތްތެރި ބޭފުޅެއްކަ ކަމުގައިވާ، ކުރީގެ ލަވަ ކިޔުންތެރިޔާ އަލީ ރަމީޒު، ޝޭޚް އަލީ ޒައިދު ސޯޝަލް މީޑިއާގައި ދައްކަވަމުންދާ ވާހަކަތަކަށް ނުރުހުން ފާޅުކޮށްފިއެވެ.

އަލީ ރަމީޒު އިއްޔެ ކުރި ޓުވީޓެއް ވިދާޅުވެފައިވަނީ އިލްމުވެރިން އަބަދުވެސް ވާންވާނީ މީސްތަކުންނަށް ނަސޭހަތްތެރިވާ ބަޔަކަށް ކަމަށެވެ. އަދި އޭނާވަނީ މީހުން ލައްވާ އަވަގުރާނަ ގޮވަންޖެހޭ ރާގަށް ސެލްފީ ނަގާ ޓުވީޓު ނުކުރުމަށްވެސް ޒައިދަށް އިލްތިމާސް ކޮށްފައެވެ.

Brother @alizaid1000 Muslimunge thereyga nafrathaai, rulhiverikan ufedhdhun huttaalaasheve. Meehun lavvaa avaguraana govvan jessumuge raagah selfie thakaai tweet thah koh nuhadhaasheve. ilmuverinnakee abadhuves meesthakunnah Naseyhaiytherivaa bayekeve. Islaahu vaasheve.

— Ali Rameez (@aliramyz) January 24, 2023

މި ޓުވީޓުގައި އަލީ ރަމީޒުވަނީ މީހުންގެ މެދުގައި ނަފްރަތާއި ރުޅިވެރިކަން އުފެއްދުން ހުއްޓާލުމަށް އަލީ ޒައިދަށް ނަސޭހަތްތެރިވެ އިސްލާހު ވުމަށްވެސް ޒައިދަށް ގޮވާލާފައެވެ.

އަލީ ރަމީޒު އަލީ ޒައިދަށް ނަސޭހަތްތެރި ވެފައިވާއިރު، ދެ ބޭފުޅުންނަކީވެސް ސޯޝަލް މީޑިއާގައި ވަރަށް ހަރަކާތްތެރި ދެބޭފުޅުންނެވެ. އަދި ދީނީ ކަންކަމާއި ގުޅޭގޮތުން ދެބޭފުޅުންވެސް ސޯޝަލް މީޑިއާގައި މީހުންނަށް ރައްދު ދީ ހެދުމުގެ އިތުރުން، ދެބޭފުޅުންނަކީވެސް، ދީނީގޮތުން ޚިޔާލުފަތާތު ސިޔާސީ ކަންކަމާއި ގުޅޭގޮތުންވެސް ސޯޝަލް މީޑިއާގައި ކޮމެންޓްކޮށް ހައްދަވާ ދެބޭފުޅުންކަންވެސް ފާހަގަ ކޮށްލެވެއެވެ.