އެންމެންނަކީ ކުރީގެ ރައީސް ނަޝީދު ކަހަލަ ގޮތެއްނެތް މީހުންކަމަށް ހީނުކުުރުމަށް ބުނެ މަޝްހޫރު ދީނީ ޢިލްމުވެރިޔާ ޑރ.މުޙައްމަދު އިޔާޒް އަނެއްކާވެސް ރައީސް ނަޝީދަށް ފާޑު ވިދާޅުވެއްޖެއެވެ.

ޢާންމުކޮށް ރައީސް ނާޝީދަށް ފާޑު ވިދާޅުވެ ޓްވީޓްކުރައްވާ ޑރ.އިޔާޒް މިފަހަރު މިހެން ވިދާޅުވެ ޓްވީޓު ކުރެއްވީ، ހަސަން ކުރުސީގެ ނަމުގައި ޓްވިޓާގައި ޙަރަކާތްތެރިވާ އެކައުންޓުން ކުރި ޓްވީޓަކަށް ރައްދުދީއެވެ. ހަސަން ކުރުސީއަކީ ރައީސް ނަޝީދުކަމަށް ވަރަށް ގިނަ މީހުން ތުހުމަތުކުރެއެވެ. އެހެންނަމަވެސް ރައީސް ނަޝީދު ކުރިން ވިދާޅުވެފައިވަނީ ހަސަން ކުރުސީއަކީ ޖިސްމާނީގޮތުން އެމަނިކުފާނު ނޫންކަމަށެވެ.

ހަސަން ކުރީ ވަނީ ދީނީ ޢިލްމުވެރިޔާ ޝައިޚް ޢަލީ ޒައިޒަށް ތުުމަތުތަކެއް ކޮށްފައެވެ. އެގޮތުން ހިޔާ ފްލެޓު ޒައިދަށް ލިބުނީ ކުރިން އޭނާއަށް ލިބުނު 63 ޕޮއިންޓު 70 ޕޮއިންޓަށް ސަރުކާރުން ބަދަލުކޮށްދީގެންކަމަށް ތުހުމަތުކޮށްފައިވެއެވެ. އެހެންނަމަވެސް އެއީ ދީން ވިއްކާލަން ޖެހޭ ސަބަބެއް ނޫންކަމަށާ، ތިމާގެ ނަފުސާއި ދީން ވިއްކާ ނުލުމަށް ޒައިދަށް ގޮވާލާފައިވެއެވެ.

އައްޝައިޚް @alizaid1000 އަކީ ފައިސާ އަށް ނުވަތަ ޖާހަށް އޭނާގެ ޢަޤީދާ ވިއްކާލާނެ ފަރާތެއް ނޫން. @kuruseekalo. އެންމެންނަކީ @MohamedNasheed ކަހަލަ ގޮތެއްނެތް ބަޔަކު ކަމުގައި ހީނުކުރާތި. https://t.co/pdpiWxBxSF

— Dr.Mohamed Iyaz (@dr_iyaz) January 8, 2023

ޑރ.އިޔާޒް ވިދާޅުވެފައިވަނީ އައްޝައިޚް ޢަލީ ޒައިދަކީ ފައިސާ އަށް ނުވަތަ ޖާހަށް އޭނާގެ ޢަޤީދާ ވިއްކާލާނެ ފަރާތެއް ނޫންކަމަށެވެ. އަދި އެންމެންނަކީ ރައީސް ނަޝީދު ކަހަލަ ގޮތެއްނެތް ބަޔަކު ކަމުގައި ހީނުކުރުމަށްވެސް ޑރ.އިޔާޒްވަނީ ހަސަން ކުރުސީ ޓެގްކުރައްވައި ވިދާޅުވެފައެވެ.