ގަތަރުގައި މިހާރު ކުރިޔަށްދާ ވާރލްކަޕް ފުޓުބޯޅަ މުބާރާތުގެ ނޮކްއައުޓް ސްޓޭޖް މިރޭ ފެށިގެން ދާނެއެވެ. މިއަހަރުގެ ވާރލްޑްކަޕް މުބާރާތް ފެށިގެން ކުރިޔަށްދާތާ 14 ދުވަސް ފާއިތުވެގެން ގޮސްފައިވާއިރު، 16 ޓީމު ވާދަކުރާ މި ބުރު ފެށިގެންދަނީ، މި މުބާރާތުގެ ގުރޫޕް ސްޓޭޖުގައި ހައިރާން ކުރުވުނިވި އެތައް ނަތީޖާއަކާއެކު، ދުނިޔޭގެ މޮޅެތި ބައެއް ޓީމުތައް މިމުބާރާތާ އަލްވަދާއުކިޔަން ޖެހިފައި ވަނިކޮށެވެ.
މީގެ ތެރޭގައި، 4 ފަހަރު ވާރލްޑްކަޕް މުބާރާތް ކާމިޔާބު ކޮށްފައިވާ ޖާމަނީއާއި ދުނިނޭޔެ ރޭކްނިން އިން ދެވަނާގައި އޮތް ބެލްޖިއަމް ހިމެނެއެވެ. ބެލްޖިއަމްއަކީ މިއަހަރުގެ ވާރލްޑްކަޕް މުބާރާތް ކާމިޔާބު ކުރާނެކަމަށް ގިނަ ބަޔަކު ލަފާ ކޮށްފައިވާ ގައުމެކެވެ. މީގެ އިތުރުންވެސް ޔޫރަޕްގެ ގިނަ ގައުމުތަކެއް ފުރަތަމަ ބުރާއެކު މުބާރާތަށް އަލްވަދާއުކިޔަން ޖެހިފައިވާއިރު، އެފްރިކާއަށް ނިސްބަތްވާ ގިނަ ގައުމުތަކެއްވަނީ ދެވަނަ ބުރަށް ދަތުރު ކޮށްފައެވެ.
ހަމައެއާއެކު އާދައިގެން ޓީމުތަކުގެ ގޮތުގައި ބެލެވުނު ބައެއް ޓީމުތަކުން މިމުބާރާތުގައިވަނީ އާދަޔާ ޚިލާފް ނަތީޖާތަކެއްވެސް ނެރެފައެވެ. އޭގެ ތެރޭގައި ހިމެނޭ އެއް ޓީމަކަށް ވެގެންދިޔައީ ޖަޕާނެވެ. ޖަޕާނުންވަނީ އެ ޓީމު ހިމެނުނު ގުރޫޕް އެއްވަނަ ޓީމުގެ ގޮތުގައި ދެވަނަ ބުރަށް ދަތުރު ކޮށްފައެވެ. މި ގުރޫޕުގައި ޖަޕާން އާއި ސްޕެއިން ވާދަކުރި މެޗް ޖަޕާނުން މެޗް ކާމިޔާބު ކުރުމާއެކު ވަރުގަދަ ޓީމެއްގެ ގޮތުގައި ބެލެވުނު ޖަރުމަނު ޓީމުވަނީ މުބާރާތަށް އަލްވަދާއު ކިޔާފައެވެ. އަދި ސައުދީ އަރަބިއާއިން ފުރަތަމަ ބުރުގައި ވަރުގަދަ އާޖެންޓީނާ ބަލިކުރި ނަމަވެސް ސައުދީއަށް މުބާރާތުގެ ދެވަނަ ބުރަށް ދަތުރުކުރެވިފައެއް ނުވެއެވެ.
އޭގެ އިތުރުން، ވަރުގަދަ ޓީމެއްގެ ގޮތުގައި ގިނަ ބަޔަކު ދެކެމުންއައި ޕޯޗުގަލް ބަލިކޮށް ސައުތު ކޮރެއާއި ދެނަވަ ބުރަށް ދަތުރު ކޮށްފައިވާއިރު، މި ގުރޫޕުގައި ހިމެނޭ އުރުގާއިވަނީ މުބާރާތަށް އަލްވަދާއު ކިޔަންޖެހިފައެވެ. ޕޯޗުގަލް ސައުތު ކޮރެއާއަތުން ބަލިވެފައިވި ނަމަވެސް، އެޓީމުވެސް ވަނީ ނޮކައުޓް ސްޓޭޖަށް ދަތުރު ކޮށްފައެވެ.
ވާރލްޑްކަޕް މުބާރާތުގެ ނޮކްއައުޓް ސްޓޭޖަކީ ބަލިވާ ޓީމެއް މުބާރާތަށް އަލްވަދާއު ކިޔާންޖެހޭ ބުރެވެ.
މިއަހަރު މުބާރާތުގެ ފުރަތަމަ ބުރުގައި ޖުމްލަ 120 ގޯލު ޖަހާފައިވާއިރު 14 ޕެނަލްޓީއެއް ޓީމުތަކަށް ލިބި، އޭގެ ތެރެއިން 9 ޕެނަލްޓީއެއް ވަނީ ކާމިޔާބު ކޮށްފައެވެ. އަދި ބައިކޮޅަށް 2 ގޯލު ވަދެފައި ވެއެވެ.
މި މުބާރާތުގެ ދެވަނަ ބުރުގެ މެޗްތައް ކުޅުމަށް ހަމަޖެހިފައިވަނީ ރާއްޖޭ ގަޑިން ރޭގަޑު 8:00 ގައާއި މެންދަމު 12:00 ގައެވެ.
