ކުށެއްކުރުމުން އެމިހާ އޮރިޔާންކޮށް ތަޅާ އަނިޔާކުރުމަކީ ކަނޑައެޅިގެން ގޯސްކަމެއްކަމަށް ޔޫތު މިނިސްޓަރ އަޙްމަދު މަޙްލޫފް ވިދާޅުވެއްޖެއެވެ.
މިނިސްޓަރ މަހްލޫފް މިހެން ވިދާޅުވީ، ދޯންޏަކަށް އެރި ޒުވާނެއްގެ މައްޗަށް ވައްކަމުގެ ތުހުމަތުކޮށް އޭނާ ބަރަހަނާކޮށް އޭނާއަށް ވަރަށް ރަހުމްކުޑަކޮށް އަނިޔާކޮށްފައިވާކަމަށް ބުނާ މައްސަލައެއް ސޯޝަލް މީޑިއާގައި ދަރުވާން ފަށާފައިވަނިކޮށެވެ.
ކޮން ރަށެއްގައި ހިނގައިފާކަމެއްކަން ނޭނގޭއިރު ސޯޝަލް މީޑިއާގައި ދައުރުވަމުންދާ ވީޑިއޯއެއްގައި ވަނީ މަސްވެރި ދޯންޏެއްގައި ޒުވާނާގެ އަތްފައި ބަނދެ ބަރަހަނާކޮށް 10 ވަރަކަށް މީހުންވެގެން އޭނާއަށް ވަރަށް ރަހުމްކުޑަކޮށް އަނިޔާކުރާ މަންޒަރެވެ. އެގޮތުން އޭނާގެ ގައިގައި ކޮޅުފައިންނާއި ލަކުޑިއާއި ދަނގަޑު ހޮޅިބުރިފަދަ ތަކެތިން ތަޅާ އަނިޔާކޮށްފައިވެއެވެ. މަންޒަރު ފެންނަގޮތުން އޭނާއަށް ވަނީ ވަރަށް ބޮޑެތި އަނިޔާތަކެއް ވެފައެވެ.
Jumlakoh komme dhivehi aailaaehga masthuvaathaketheege vabaagai jehifavaa dharin ebathibi.
Ginafaharu aailaa ahves adhi mujthamau ahves undhagoo massalaeh.
Namaves emeehun kusheh kureema oriyaankoh thalhaa aniyaa kuru kandaelhigen goas.
— Ahmed Mahloof (@AhmedMahloof) November 22, 2020
ވީޑިއޯގައި އޭނާއަށް ތުހުމަތުކުރަމުން ދިޔައީ ވަގަށް ނަގާފައިވާ ތަކެއްޗާގޫޅޭގޮތުންނެވެ. އެގޮތުން ބައެއް ފޯނާއި ފަސް ހާސް ރުފިޔާގެ ވާހަކަ އަހާ އަޑު އެވީޑިއޯއިން އިވެއެވެ. މިމައްސަލައަށް އިޝާރާތްކުރައްވާ ޔޫތު މިނިސްޓަރ އަޙްމަދު މަޙްލޫފް ވިދާޅުވެފައިވަނީ ޖުމްލަކޮށް ކޮންމެ ދިވެހި އާއިލާއެއްގައިވެސް މަސްތުވާތަކެތީގެ ވަބާގައި ޖެހިފައިވާ މީހުން އެބަތިބިކަމަށެވެ.
ގިނަފަހަރު އާއިލާއަށްވެސް އަދި މުޖުތަމަޢުއަށްވެސް އުނދަގޫ މައްސަލައެއް. ނަމަވެސް އެމީހުން ކުށެއް ކުރީމަ އޮރިޔާންކޮށް ތަޅާ އަނިޔާކުރުން ކަނޑައެޅިގެން ގޯސް.
-ޔޫތު މިނިސްޓަރ އަޙްމަދު މަޙްލޫފް
ޒުވާނާ ބަރަހަނާކޮށް އަނިޔާކުރި ވީޑިއޯ ދައުރުވަމުންދާއިރު ގިނަބަޔަކު ވަނީ އެހާ ރަހުމްކުޑަކޮށް ކޮށްފައިވަ އަނިޔާތަކާއި ގުލިގެން ކަންބޮޑުވުން ފާޅުކޮށްފައެވެ. މިމައްސަލަ ފުލުހުން ބަލަމުން އަންނަކަމަށް ވަނީ ވިދާޅުވެފައެވެ.
ކޮމެންޓު ފޮނުވާ