ރައީސް އިބުރާހިމް މުހައްމަދު ސާލިހުގެ ސަރުކާރުން އިންޑިއާއެކު ކޮށްފަ ހުރި އެގްރީމަންޓްތަކުން ނިކުތުން ސަހަލު ގޮތަކަށް ނިމިގެން ނުދާނެ ކަމަށާއި، އެއްބަސްވުންތައް އުވާލުމަށްޓަކާ ދިވެހި ސަރުކާރުން ބޮޑު ބަދަލެއް ދޭން ޖެހިދާނެކަމަށް ކުރީގެ ރައީސް ޔާމިން ވިދާޅުވެއްޖެއެވެ.

މިހާރު ބޮޑު ތިލަދުންމައްޗަށް ކުރައްވަމުން ގެންދަވާ ދަތުރުފުޅުގައި ހއ. ދިއްދޫގައި ރޭ ބޭއްވުނު ޖަލްސާގައި ވާހަކަ ދައްކަވަމުން ޔާމިން ވިދާޅުވީ، އެއް އަހަރުގެ ތެރޭގައި ރާއްޖެއަށް ވަންނަ އާމްދަނީއާ އެއްވަރުގެ ދަރަނި ރާއްޖޭގަ މިވަގުތު އެބައޮތް ކަމަށެވެ. ހަމައާއެކު އިންޑިއާއާއެކު ކޮށްފަހުރި އެގްރިމަންޓްތަކުން ނިކުތުމަށްޓަކާ ކުރާންޖެހޭ މަސައްކަތްތަކުގެ ތެރޭގަ ދެން ދައުލަތުން ދައްކަންޖެހޭ ބަދަލުގެ ގޮތުގައި ދައްކާން ޖެހޭނީ ކިހާވަރެއްގެ ފަައިސާކަމެއް ދަންނަވާންވެސް އެގިވަޑައި ނުގަންނަވާ ކަމުގައެވެ.

އަދި އިންޑިއާއެކީ ކޮށްފަހުރި އެގްރީމަންޓްތަކުން އަޅުގަޑުމެން ނުކުތުމަށްޓަކާ ކުރާންޖެހޭ މަސައްކަތުގެ ތެރޭގަ ދެން ދައުލަތުން ދަކްނަޖެހޭނީ ބަދަލުގެ ގޮތުގުގަ، ކޮމްޕަންސޭޝަންގެ ގޮތުގައި ކިހާވަރެއްގެ ފައިސާއެއްކަމެއް ﷲ ދެނެވޮޑިގެން ވާނީ.. ސަހަލު ގޮތަކަށް އެކަން ނިމިގެނެއް ނުދާނެ.. އެކަމަކު މި ހުރިހާ އެގްރިމަންޓްތަކެއް އަޅުގަޑުމެން އެބަޖެހޭ ބާތިލް ކުރަން.

ދިއްދޫގެ ގިނަބަޔަކު ބައިވެރިވި ޖަލްސާގައި ވާހަކަ ދައްކަވަމުން ޔާމިން ވިދާޅުވިއެވެ.

ޔާމިން ވިދާޅުވި ގޮތުގައި، ކުރިންވެސް ދަންނަވަމުން ދިޔަގޮތަށް މިހާރުވެސް ގަބޫލުކުރައްވަނީ އެގްރީމަންޓްތައް ބާތިލްވާން ޖެހޭނެކަމަށް ކަމަށެވެ. ޔާމިން ވިދާޅުވީ މި އެގްރީމަންޓްތައް ބާތިލްވައިރު އެކަންކަމަށް ލައްކަ ގިނަ ފައިސާ ހޯދާން ޖެހޭނެކަމަށެވެ.

މި ޖަލްސާގަ އިންޑިއާއަށް ފާޑު ވިދާޅުވަމުން ޔާމިން ވިދާޅުވީ، މަޖީިދިއްޔާގެ އިރުން އޮތް ކޮށި، ކުރީގެ ސަރުކާރު މުވައްޒަފުންގެ ނާދީ ހިންގި ބިމަކީވެސް ކުރީގެ ސަރުކާރެއްގަ އިންޑިއާގެ ކުންފުންޏަކަށް ހޮޓާ އިމާރާތެއް ހަދަން ދީފައި ކަމުގައެވެ.

އެހެންނަމަވެސް އެއީ ކާރޫބާރޫ ބޮޑު ސަހައްދަކަށް ވީމަ، އެމަނިކްފާނު ސަރުކާރުގެ އެތަން އަތުލަން ނޯޓިސް ދިން ކަމަށެވެ. އެހެންނަމަވެސް އެތައް ނުނިމި އެތައް އަހަރެއް ވެގެން ދިޔައިރުވެސް ތަން ހަދާ ނުނިމި އެތަން މި ސަރުކާރުން ބޭނުންވުމުން އިންޑިއާއިން އެގައުމުގެ ހައި ކޯޓަށް ދިޔަކަމަށާއި، ބަދަލު ހޯދަން ގިނަ އަދަދެއްގެ ފައިސާވެސް ހޯދަންވެސް ހުށަހެޅި ކަމުގައެވެ. އެތަންވެސް އިންޑިއާގެ ކުންފުންޏަކަށް ދޫކޮށްފަ އޮތީ ނިންމާނެ ތާރީޚެއްވެސް އެގްރީމަންޓްގަ ނުލިޔެ ކަމުގައިވެސް ޔާމިން ވިދާޅުވިއެވެ.

އެހެންނަަމަވެސް މާލެއިން ދެކުނު ބަނދަރު ސަރަހައްދުން ބިމަކާ، އަދި ކޮންމެޕެންސޭޝަންވެސް ދޭން ސަރުކާރުން ހުށަހަޅުމުން އިންޑިއާއިން ބޭނުންވީ އިތުރު ބިމަކާއިއެކީ 34 މިލިއަން ޑޮލަރު ކަމުގައެވެ.

ޔާމިން ވިދާޅުވި ގޮތުގައި އިންޑިއާގެ ކުންފުނިތަކަކީ ހަދާ އެއްބަސްވުންތަކާ އެއްގޮތަށް މަސައްކަތް ނިންމާ ކުންފުނިތަކެއް ނޫންކަމުގައެވެ.