އެމަނިކުފާނަކީ ނުކުރެވޭ ކަންކަމުގެ ވާހަކަ ދައްކަވާނެ ބޭފުޅެއް ނޫންކަމަށް ކުރީގެރައީސް އަދި އިދިކޮޅު ރިޔާސީ ކެނޑިޑޭޓް ރައީސް ޔާމީން ވިދާޅުވެއްޖެއެވެ. އެމަނިކުފާނު މިހެން ވިދާޅުވީ ރިޔާސީ ކެނޑިޑެންސީއާއި ހަވާލުވެވަޑައިގެންނެވުމަށްފަހު އެންމެ ފުރަތަމަ އަތޮޅުތެރެއަށް ކުރެއްވި ދަތުރުފުޅުގައި ދ.ކުޑަހުވަދޫގައި ރޭ ބެއްވި ޖަލްސާގައި ވާހަކަފުޅު ދައްކަވަމުންނެވެ.
ގިނަ ޢަދަދެއްގެ ސަޕޯޓަރުން ބައިވެރިވި އެ ޖަލްސާގައި ރައީސް ޔާމީން ވިދާޅުވީ، އެމަނިކުފާނަކީ ނުކުރެވޭނެ ކަންކަމުގެ ވާހަކަ ޚިޔާލަށް ގެނެސްގެން ވައުދު ވާނެ ބޭފުޅެއް ނޫންކަމަށެވެ. މި ސަރުކާރުގެ މަސްވެރިކަމުގެ ސިޔާސަތަށް ފާޑުވިދާޅުވެ ވާހަކަފުޅު ދައްކަވަމުން ރައީސް ޔާމީން ވިދާޅުވީ، މި ސަރުކާރުން މަސްވެރިންނަށް ވެފައިވާ އެއްވެސް ވަޢުދެއް ފުއްދަމުން ނުދާކަމަށެވެ.
އެމަނިކުފާނު މިހެން ވިދާޅުވީ ދެކުނަށް މަސްވެރިކަން ރަނގަޅުވެ މަސްނުކިރުވެ ގިނަ ޢަދަދެއްގެ މަސްތައް މަސްވެރިން ކަނޑަށް އުކާލާ އެކަމުގެ ކަންބޮޑުވުން ފާޅުކުރަމުން އަންނާތީއެވެ. ރައީސް ޔާމީން ވިދާޅުވީ، މަސްވެރިންނަށްވީ ވައުދުގެ ބަދަލުގައި މަސްވެރިންނަށް ފެންނަނީ އެ ޕްލެޓް ފޯމްމަތީގައި މަސްވެރިންތިއްބައި ލޯކުރިމަތީގައި ލޭނު އަޅައިގެން އިންޑިއާ ބޯޓުތަކުން، ރާއްޖޭގެ ކަނޑުތަކުން މަސްނަގައިގެންދާ މަންޒަރުކަމަށެވެ.
ރައީސް ޔާމީންގެ ވާހަކަފުޅުގައި އެމަނިކުފާނު މަސްވެރިންގެ އަޑު އައްސަވާނެކަމަށެވެ. ކުޑަހުވަދޫ މަސްވެރިންގެ ދަތި ތަކަށް ހައްލު ހޯދައިދިނުމަށް ރަށާ ކައިރިން މަސްފެކްޓްރީއެއް ނުވަތަ މަސްކިރުވާ ބޯޓެއް ބާސްވާނެކަމަށްވެސް ރައީސް ޔާމީން ވިދާޅުވިއެވެ.
އެމަނިކުފާނު މިހެން ވިދާލުވެފައިވާއިރު، ރައީސް ޔާމީންގެ ވެރިކަމުގައި ބެޔަސް ނުބެޔަސް މަސްވެރިންނަށް 10،000 ރުފިޔާ ދޭން ވެފައިވާ ވަޢުދު ނުފުއްދާކަމަށް އެމްޑީޕީން އަންނަނީ ތުހުމަތުކުރަމުންނެވެ. އަދި އެމްޑީޕީގެ ސަޕޯޓަރުން ރައީސް ޔާމީންނަށް އެ ވަޢުދު ނުފުއްދާކަމަށް ބުނެ އަންނަނީ ފާޑުކިޔަމުންނެވެ.
One Response
މީނައަތަށް މައިކެއް ދީފިއްޔާ އިތުރަށް ފަލީހަތްވުން ނޫން ކަމެއް ނުވާނެއެވެ.