ނޭޝަންސް ލީގުގައި އިސްރާއިލް އަތުން ބަލިވެ ލީގް އޭ ކޮލިފައިވުމަށް ލިބުނު ފުރުސަތު ސްކޮޓްލޭންޑްއިން ނަގައިލައިފިއެވެ.
އަމިއްލަ ދަނޑުގައި ކުޅުނު މެޗު އިސްރާއިލުން ކާމިޔާބުކުރީ ސްކޮޓްލޭންޑާ ވާދަކޮށް 1-0 ލަނޑުންނެވެ. މެޗުގެ ހަމައެކަނި ލަނޑު ފުރަތަމަހާފްގެ 44 ވަނަ މިނިޓުގައި ކާމިޔާބުކޮށްދިނީ މަނޯރް ސޯލޯމޮންއެވެ. މި ގުރޫޕުން ލީގް އޭއަށް ޕްރޮމޯޓްވީ ރޭ ސުލޮވާކިޔާ އަތުން 2-0 ލަނޑުން މޮޅުވި ޗެކްރިޕަބްލިކްއެވެ.
ޗެކްރިބްލިކް އިން ގުރޫޕްގެ މެޗުތައް ނިންމާލީ 12 ޕޮއިންޓާއެކުއެވެ. ސްކޮޓްލޭންޑް އަށް 10 ޕޮއިންޓް ލިބުނުއިރު ތިންވަނައަށް ދިޔަ އިސްރާއީލްއަށް ލިބުނީ 8 ޕޮއިންޓެވެ. ރެލިގޭޓްވި ސުލޮވާކިޔާއަށް ލިބުނީ ހަތަރު ޕޮއިންޓެވެ. ސްކޮޓްލޭންޑުން ފުރުސަތު ގެއްލުމުން ދެން އެޓީމަށް އޮންނާނީ އަންނަ މާޗުމަހުގައި އޮންނަ ވޯލްޑްކަޕް ކޮލިފައިން ގޫރޫޕް ސްޓޭޖުމެޗުތަކެވެ. ވޯލްޑްކޮލިފައިންގެ ޔޫރަޕުގެ ގުރުނެގުން އޮންނާނީ އަންނަ މަހުގެ 7 ވަނަދުވަހުއެވެ.
