ހިޔާ ފްލެޓްގެ 4 ވަނަ ޓަވަރުގެ 17ވަނަ ފަންގިފިލާއިން ވެއްޓުނު އެއްޗިހިތަކަކުން ޖެހި އެސަރަހައްދުގައި ތިބި އެއްގަމު އުޅަނދުތަކަކަށް ބޮޑެތި ގެއްލުންތަކެއް ވެއްޖެއެވެ.
ސޯޝަލް މީޑިއާގައި އާންމު ވެފައިވާ ފޮޓޯތަކުން ފެންނަ ގޮތުގައި ޓަވަރުން ތިރިޔަށް އުކާފައިވާ ތަކެތީގެ ތެރޭގައި ބަދިގެ ސާމާނާއި އަންނައުނާއި ގަސްމުށި ފަދަ ތަކެތިވެސް ހިމެނެއެވެ. މީގެ ތެރޭގައި ޓަވަރުގެ 17ވަނަ ފަންގިފިލާއިން ތިރިޔަށް ވެއްޓުނު ޑަބިޔަލެއް ތިރީގައި އޮތް ކާރެއްގެ ވިންޑް ސްކްރީން މައްޗަށް ވެއްޓި އެކާރުގެ ވިންޑް ސްކްރީންވަނީ އެކީ ކަހަލަގޮތަކަށް ތަޅައިގެން ގޮސްފައެވެ.
Geytherey hama nujehumuge therey HIyA flat mathin gina adhadhegge thakethi beyrah ellai, gina vehicle thakakah gellun vejjeh pic.twitter.com/CAbqJLIzCN
— waddey (ވައްޑެ) 🎈 (@WaddeyAli) September 11, 2022
އަދި ތިރިޔަށް ވެއްޓުނު ޓައްޕަކުން ޖެހި އެވަގުތު ތިރީގަ ޕާކް ކޮށްފައޮތް ޕިކަޕެއްގެ ބިއްލޫރިގަޑުވެސް ވަނީ ތަޅައިގެން ގޮސްފައެވެ.
ހިޔާ ޓަވަރުތަކުގެ ގިނަ ފްލެޓްތަކުގައި މިހާރު މީހުން ދިރިއުޅެން ފަށާފައި ވުމާއެކު، މިހާރު މި ސަރަހައްދަކީ ވަރަށް މީހުން ބައިބޯ ސަރަހައްދެކެވެ. އެހެންނަމަވެސް 17ވަނަ ފަންގިފިލާއިން އުކި ތަކެތިން އެއްވެސް މީހަކަށް އަނިޔާވި ކަމުގެ މައުލޫމާތެއް ލިބިފައެއް ނުވެއެވެ.
މަސްތުގެ ހާލުގައި ހުރި މީހެއް ކަމަށް ފްލެޓުވެރިން މައުލޫމާތުދޭ pic.twitter.com/F6hTEWncDn
— Midhuam Saud(米渡）🇲🇻 (@midh_am) September 11, 2022
ފްލެޓްގައި ދިރިއުޅޭ ބައެއް ފަރާތްތަކުން މައުލޫމާތު ދީފައިވާ ގޮތުގައި މި ތަކެތި ތިރިޔަށް އުކާފައިވަނީ އެ ފަންގިފިލާގައި މަސްތުގެ ހާލުގައި ހުރި މީހެކެވެ. އަދި އޭނާ މިހާރު ފުލުހުން ބެލުމުގެ ދަށަށް ގެންގޮސްފައިވާކަމުގެ މައުލޫމާތުވެސް ވަނީ ލިބިފައެވެ.
މި ހާދިސާއާއި ގުޅޭ އެއްވެސް މައުލޫމާތެއް މިހާތަނަށް ފުލުހުން ހާމަ ކޮށްފައެއް ނުވެއެވެ.
ކޮމެންޓު ފޮނުވާ