ކާމިޔާބު އެތައް ފިލްމެއް ކުޅެފައިވާ އެކްޓަރު ސަންޖޭ ދަތު އޭނާގެ ކާރުގެ ނަންބަރު ޕްލެޓް ބަދަލުކޮށްފި ކަމަށް ޚަބަރުތައް ބުނެފިއެވެ.
ސަންޖޭ ދަތަކީ ލަގްޒަރީ ކާރުތަކަށް މަރުދޭ ތަރިއެކެވެ. އަދި އޭނާގެ ކާރު ކަލެކްޝަންގައި އެކި ބްރޭންޑް ތަކުގެ ލަގްޒަރީ ކާރު ހިމެނެއެވެ.
ސަންޖޭ ދަތު އެތައް ޒަމާނެއް ވަންދެން ބޭނުން ކުރަމުން އައި ކާރުގެ ޕްލެޓް ނަންބަރު ބަދަލު ކުރަން ނިންނީ ސަބަބެއް އޮވެގެންނެވެ.
އޭނާ ދުއްވާ ކާރުގެ ނަންބަރަކީ 4545 އެވެ. ދެނަމްބަރުން އެއްކުރުމް އަންނާނީ 9 އެކެވެ. މިހާރު އޭނާގެ ކާރުގެ ޕެލެޓް ނަންބަރަކީ 2999 އެވެ.
އޭނާގެ ކާރުގެ ނަންބަރު ބަދަލުކުރީ އެސްޓްރޮލޮޖާ އިން އެކަމަށް ބުރަވުމުން ކަމަށް ޚަބަރުތައް ބުނެއެވެ. އަދި އޭނާގެ ހަޔާތަށް އެންމެ ކާމިޔާބު އަދި ފާގަތި ނަންބަރަކީ 9 ކަމުގައި އެސްޓްރޮލޮޖާ ބެލި ބެލުމުން ފާހަގަ ވެގެން ކަމަށް ޚަބަރުތައް ބުނެއެވެ.
ސަންޖޭ ވަނީ އޭނާ ދުއްވުމަށް ބްރޭންޑް ނިއު ލަގްޒަރީ މަރސިޑީސް އަކަށް އޯޑަރު ދީފައި ކަމަށާއި ދެމަހެއްހާ ދުވަހުގެ ތެރޭގައި ކާރު ލިބޭނެ ކަމަށާއި ލިބޭ އިރުގައި ކާރުގެ ނަންނަބަރަކީ 2999 ކަމަށް ޚަބަރުތައް އަންނަނީ ބުނަމުންނެވެ.
ސަންޖެ ދަތު އުފަންވެފައި ވަނީ ޖުލައި 29 ވަނަ ދުވަހުއެވެ. ސަންޖޭގެ މައްޗަށް ކުރި ޖަލު ހުކުމުން ސަލާމަތް ވެގެން އެންމެ ފުރަތަމަ ކުޅުނު ފިލްމު "ބޫމީ"ގެ ޝޫޓިން ހަމަޖެއްސި ދުވަހުގެ ބަދަލުގައި އޭނާ ޑޭޓް ކުރިއަށް ޖައްސާ އެ ފިލްމުގެ ޝޫޓިން އޭނާ ފެށީ ޖެނުއަރީ 29 ގައިއެވެ.
ސަންޖޭ އެންމެ ފަހުން ފެނިގެން ގޮސްފަިއވަނީ ކާމިޔާބު ފިލްމް "ކޭ ޖީ އެފް ޗެޕްޓާ2″ އިންނާއި ފްލޮޕް ފިލްމެއް ކަމުގައިވާ "ޝަމްޝޭރާ" އިންނެވެ. އެ ފިލްމުގެ ލީޑުން ފެނިގެން ގޮސްފައިވަނީ ރަންބީރު ކަޕޫރާއި ވާނީ ކަޕޫރެވެ.
