ސޯޝަލް މީޑިއާގައި މިހާރު ލީކްވެގެން އުޅޭ ވީޑީއޯގައި ބަރަހަނާކޮށް ހުރީ އޭނާ ނޫން ކަމަށް ނޮޅިވަރަމް ދާއިރާގެ ކުރީގެ މެންބަރު މުހައްމަދު ނަޝީދު (ކާނަލް ނަޝީދު) ވިދާޅުވެއްޖެއެވެ.

އެންމެ ފުރަތަމަ ފޮޓޯ އާންމު ވުމާއިއެކު ނަޝީދު ވަނީ އެ ވީޑިއޯގައި ފެންނަނީ އޭނާކަމަށް އިއުތުރާފް ވެފައެވެ. ނަމަވެސް ބަރަހަނާކޮށް ހުރި ފޮޓޯއެއް ނުފެންނާނެކަމުގެ ޔަގީންކަން ނަޝީދު ވަނީ ދީފައެވެ. ނަޝީދަށް އަމާޒުވާ ފާޑުކިޔުންތަކާއި ގުޅިގެން އޭނާ މިއަދު ވަނީ ފޭސްބުކްގައި ދިގު ޕޯސްޓެއް މިއަދު ވަނީ ކުރައްވާފައެވެ.

ވިދާޅުވީ ސޯޝަލް މީޑިޔާގައި އޭނާއަށް ގަނާކުރާ، ފުރައްސާރަ ކުރާ، ގިނަ މީހުންގެ ފަތިފުއްބަލާލައިފިނަމަ މާ ހުތުރު ކަންކަން އެބަހުރި ކަަމަށެވެ. ނަމަވެސް އެއިން އެކަކު ވެސް ފަލީހަތްވެ ދުނިޔެއަށް ބޭޒާރުވަން އެދިވަޑައިނުގަންނަވާ ކަމަށެވެ. ނަޝީދު ވިދާޅުވީ އެއްވެސް އާދަމުގެ ދަރިއެއްގެ ހައްގަކަށް އޭނާ އަރައިގެންފައި ނޯންނާނެ ކަމަށާ އޭނާއަކީ އެއްއިރެއްގައިވެސް ދީނަށް ފުރައްސާރަ ކުރި މީހެއް ނޫން ކަމަށެވެ.

ނަޝީދު މިއަދުވެސް ވިދާޅުވީ ދައުރުވަމުންދާ ވީޑިއޯ ތަކުގައި ބަރަހަނާ ކޮށް ހުރީ އޭނާ ނޫން ކަމަށާ ކިތަންމެ ވަރެއް ކުރިއަސް ބުލެކް މެއިލް ކުރާ މީހުންނަށް ފައިސާ ނުދެއްވާނެ ކަމަށެވެ.

ދައުރުވަމުންދާ ވީޑިއޯ ތަކުގައި ބަރަހަނާ ކޮށް ހުރީ އަޅުގަނޑެއް ނޫން. ކިތަންމެ ވަރެއް ކުރިއަސް ބުލެކް މެއިލް ކުރާ މީހުންނަށް ފައިސާ ދޭ ގޮތަކަށް ނޫން މިހުރީކީ.

– ކާނަލް ނަޝީދު ބުންޏެވެ.

އާންމުވެފައިވާ ވީޑިއޯތަކުގެ ތަހުގީގު ކުރިއަށްދާތީ އެ ވީޑިއޯތަކުން ފެންނަ ކަމަށް ތުހުމަތު ކުރެވޭ ގާނޫނީ ވަކީލް ނާޒިމް އަބްދުއްސައްތާރާއި ނޮޅިވަރަމް ދާއިރާގެ ކުރީގެ މެންބަރު މުހައްމަދު ނަޝީދު (ކާނަލް ނަޝީދު) އަދި ބަންގްލަދޭޝްގެ އެމްޑީ އަލަމްގިރި ފުރުން ފުލުހުން ވަނީ މަނާކޮށްފައެވެ.