ބީޓް ރޫޓަކީ ހަށިގަނޑަށް ފައިދާހުރި އެއްޗެކެވެ. އެކަމާ ދެބަސް ވާނޭ މީހަކު ނެތެވެ. މިއީ އާންމުކޮށް ގިނަ ބަޔަކު މިހާރުވެސް ކެއުމުގައި ބޭނުން ކުރާ އެއްޗެކެވެ.
ނިއުޓްރިއަޓްސްގެ އިތުރުން ސިއްހީ އެތައް ފައިދާ ތަކެއް ހިމެނޭ މި ލޯބި ތަރުކާރީ އަކީ ހިތުގެ ތަފާތު ބަލިތަކުގެ މީހުން ބޭނުން ކުރުން ރަނގަޅުއެއްޗެކެވެ.
މެންޗެސްޓާގެ ކާޑިވަސްކިއުލާ ސޮސައިޓީ ކޮންފަރެންސްގެ ރިސާޗްތަކުން ދައްކާގޮތުގައި ކޮންމެ ދުވަހަކުވެސް ބީޓް ރޫޓް ޖޫސްތައްޓެއް ބުއިމުން ހިތުގެ ބަލިތަކަށް ޝިފާއަކަށް ވެއެވެ.
114 މީހުން ބައިވެރިކޮށްގެން ހެދި މި ދިރާސާއިން ހާމަވީގޮތުގައި ކޮންމެ ދުވަހަކު ހެދުނު ހޭލާގޮތަށް އެންމެ ފުރަތަމަ އެއްޗެއްގެ ގޮތުގައި ބީޓްރޫޓް ޖޫސްތައްޓެއް ބުއިމުން އެމީހުން ތަހައްމަލު ކުރަމުންދާ ހިތުގެ ބަލިތައް ބޮޑުތަނުން ފަސޭހަވެއެވެ.
ބީޓްރޫޓަކީ ރާއްޖެއިން ވެސް ފަސޭހަ ކަމާއެކު ލިބޭ އެއްޗެކެވެ. ލޭގެ ޕްރެޝަރާއި ހިތުގެ ބަލިތައް ޖެހޭ މިންވަރު ކުޑަކުރުމުގެ ގޮތުން ވެސް މި ޖޫސް ބޭނުން ކުރެވިދާނެއެވެ.
