މާލޭގައި ގޭސްފުޅިއެއް ގޮވާ 2 މީހަކަަށް އެކިވަރުގެ އަނިޔާވެއްޖެއެވެ.
އެމްއެންޑީއެފުން ބުނީ މި ހާދިސާ ހިނގާފައިވަނީ ހ. ތިންނޫނުގޭގެ 5 ވަނަ ފަންގިފިލާފައި ކަމަށެވެ. އަދި މިހާދިސާގެ ރިޕޯޓު ލިބިފައިވަނީ މެންދުރު 12:31 ހާއިރު ކަމަށް އެމްއެންޑީއެފުން މައުލޫމާތުދެއެވެ.
މި ހާދިސާގައި އަނިޔާވީ ދިވެހި ދެ ފިރިހެނުންނަށެވެ. އެދެމީހުނަށް އައިޖީއެމްއެޗުގައި ފަރުވާދެމުން ގެންދާކަމަށްވެސް އެމްއެންޑީއެފުން ބުނެއެވެ. އެ ދެމީހުނަށް އެކިވަރުގެ އަނިޔާވެފައި ވަނީ ގޭސް ލީކުވެފައި ހުއްޓައި ހުޅުހިފާ ހުޅުގަނޑު ފަޅައިގެން ދިޔަ ވަގުތު ކަމަށް އެމްއެންޑީއެފުން ބުނެއެވެ.
މިހާދިސާ ހިނގަން މެދުވެރިވީ ގޭސްފުޅިއަށް ގުޅާފައި އިން ހޮޅީގެ ނަޓެއް ދޫވުމުގެ ސަބަބުން ގޭސް ލީކުވެގެން ކަމަށް ކަމަށް އެމްއެންޑީއެފުން ބުނެއެވެ. އަދި ގޮވުމުގެ ސަބަބުން ރޯވި އަލިފާން އެގޭގެ މީހުން ނިއްވާލާފައިވާ ކަމަށްވެސް އެމްއެންޑީއެފުން މައުލޫމާތުދެއެވެ.
